Qurlyqtyq hokkeı lıgasy: «Barys» búgin «Spartakpen» kezdesedi

ASTANA. QazAqparat – Elordalyq «Barys» Qurlyqtyq hokkeı lıgasyndaǵy kezekti oıynyn búgin Reseıde «Spartak» (Máskeý) klýbyna qarsy ótkizedi, dep habarlaıdy QazAqparat tilshisi.

Atalǵan oıyn elorda ýaqytymen 22:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 27 márte kezdesti. Onyń 10-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde on bir oıynnan11 upaıǵa qol jetkizgen «Barys» 15-orynda keledi. Al, on bir oıynnan keıin 15 upaı jınaǵan «Avtomobılıst» 8-orynǵa jaıǵasqan.

Keıingi on kezdesýdiń beseýinde qazaqstandyq klýb jeńiske jetti.

2021 jyldyń 18 qarashasynda Qurlyqtyq hokkeı lıgasynda «Barys» syrt aıdynda 2:5 esebimen jeńilse, bıylǵy 21 qańtarda ótken joldastyq kezdesýde 2:5 esebimen basym tústi.

Eske salsaq, budan buryn «Barys» Reseıde «Lokomotıvten» basym tústi.