Qurlyqtyq hokkeı lıgasy: «Barys» búgin Reseıde «Spartakpen» kezdesedi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn Reseıde «Spartak» (Máskeý) komandasymen ótkizedi, dep habarlaıdy QazAqparat tilshisi.
Kezdesý elorda ýaqytymen 22:30-da bastalyp, «Qazsport» telearnasynan tikeleı efırde kórsetiledi.
Eki komanda búginge deıin 25 márte sheberlik baıqasty. Onyń 15-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Eki komanda arasyndaǵy sońǵy alty kezdesýdiń úsheýinde qazaqstandyq klýb jeńiske jetti.
«Barystyń» bıylǵy týrnırdiń sońǵy alty kezdesýiniń ekeýinde joly boldy, qalǵanynda qarsylastaryna ese jiberip qoıdy.
Al «Spartak» sońǵy alty kezdesýdiń bireýinde qarsylastaryn tize búktirdi.
Eske salsaq, qazaqstandyq klýb budan buryn Reseıde «Sochı» komandasyna ese jiberdi.
Al «Spartak» Reseıdiń «Ak Bars» (Qazan) komandasyn jeńilip qaldy.
Qazir «Barys» 28 oıynnan keıin 24 upaımen týrnır kestesinde 21-orynda keledi. Al «Cgfhnfr» 30 upaımen 14-orynda tur.
