Qurlyqtyq hokkeı lıgasy: «Barys» búgin Magnıtogorskiniń «Metallýrgimen» kezdesedi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn syrt aıdynda Reseıdiń «Metallýrg» (Magnıtogorsk) komandasymen ótkizedi, dep habarlaıdy QazAqparat tilshisi.
Kezdesý elorda ýaqytymen 20:00-de bastalyp, «Qazsport» telearnasynan tikeleı efırde kórsetiledi.
Eki komanda búginge deıin 53 márte sheberlik baıqasty. Onyń 18-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
«Barys» budan buryn elordada Reseıdiń «Avtomobılıst» komandasynan overtaımda 5:4 esebimen basym tústi.
Bıyl 5 qyrkúıekte elordada ótken eki komanda arasyndaǵy alǵashqy kezdesýde «Metallýrg» 2:1 esebimen jeńgen bolatyn.
Al «Metallýrg» Magnıtogorskide Máskeýdiń TsSKA komandasyn 4:0 esebimen tize búktirdi.
Aıta keteıik, «Barys» 11 oıynnan keıin 8 upaımen týrnır kestesinde 18-orynda keledi. Al «Metallýrg» 18 upaımen 2-orynda tur.
