Qurlyqtyq hokkeı lıgasy: «Barys» búgin «Kýnlýn Red Starmen» kezdesedi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn Qytaıdyń «Kýnlýn Red Star» (Beıjiń) komandasymen ótkizedi, dep habarlaıdy QazAqparat tilshisi.
Kezdesý elorda ýaqytymen 22:30-de bastalyp, «Qazsport» telearnasynan tikeleı efırde kórsetiledi.
Eki komanda búginge deıin 16 márte sheberlik baıqasty.
Onyń 11-i «Barystyń» basymdyǵymen aıaqtalsa, qalǵanynda qytaılyq klýbtyń mereıi ústem boldy.
Eki komanda arasyndaǵy sońǵy bes kezdesýdiń barlyǵynda qazaqstandyq klýb jeńiske jetti.
«Barys» bıylǵy týrnırdiń sońǵy alty kezdesýiniń úsheýinde jeńiske jetip, qalǵanynda qarsylastaryna ese jiberip qoıdy.
Al «Avangard» tórt oıynnyń ekeýinde jeńiske jetti.
Aıta ketsek, qazaqstandyq klýb budan buryn Reseıdiń «Avangard» (Omby) komandasynan jeńilip qaldy.
Al «Kýnlýn Red Star» Belarýstiń «Dınamo» (Mınsk) komandasyna jol berdi.
Qazir «Barys» 17 oıynnan keıin 14 upaımen týrnır kestesinde 18-orynda keledi. Al «Avangard» 11 upaımen 23-orynda tur.
