Qurlyqtyq hokkeı lıgasy: «Barys» búgin «Amýr» komandasymen kezdesedi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn Reseıde «Amýr» (Habarovsk) komandasymen ótkizedi, dep habarlaıdy QazAqparat tilshisi.
Kezdesý elorda ýaqytymen 13:00-dt bastalyp, «Qazsport» telearnasynan tikeleı efırde kórsetiledi.
Eki komanda búginge deıin 41 márte sheberlik baıqasty. Onyń 22-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Eki komanda arasyndaǵy sońǵy bes kezdesýdiń tórteýinde qazaqstandyq klýb jeńiske jetti.
«Barys» bıylǵy týrnırdiń sońǵy alty kezdesýiniń ekeýinde joly boldy, qalǵanynda qarsylastaryna ese jiberip qoıdy.
Al «Amýr» sońǵy alty kezdesýdiń ekeýinde qarsylastaryn tize búktirdi.
Eske salsaq, qazaqstandyq klýb budan buryn Reseıdiń «Admıral» (Vladıvostok) komandasynan basym tústi.
Al «Amýr» Fınlıandııanyń «Iokerıt» (Helsınkı) komandasynan býllıten 3:2 esebimen tize búktirdi.
Qazir «Barys» 24 oıynnan keıin 21 upaımen týrnır kestesinde 19-orynda keledi. Al «Amýr» 21 upaımen 20-orynda tur.
