Qurlyqtyq hokkeı lıgasy: «Barys» bıyl alǵash ret jeńiske jetti
NUR-SULTAN. QazAqparat - «Barys» búgin, 8 qyrkúıekte qurlyqtyq hokkeı lıgasyndaǵy kezekti oıynynda elordada Reseıdiń «Amýr» (Habarovsk) komandasyn qabyldady, dep habarlaıdy QazAqparat tilshisi.
Eki komanda búginge deıin 40 márte sheberlik baıqasty. Onyń 2-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Aıta keterligi, elordalyq klýb atalǵan komandamen ótkizgen sońǵy tórt kezdesýdiń úsheýinde qarsylasynan basym tústi.
Osyndaı sátti oıyndar búgin de jalǵasty. Oıynnyń alǵashqy mınýtynan elordalyq hokkeıshiler qarsylastar qaqpasy mańynda boı kórsetti.
Nátıjesinde 1-mınýtta Kertıs Valk mergendik tanytty. Odan keıin 5-mınýtta Álıhan Ásetov esepti ústemeleı tústi.
Ekinshi kezeńniń 22-mınýtynda qazaqstandyq Arkadıı Shestakov basymdyqty arttyrdy. «Amýr» sapynan Gleb Zyrıanov arada nebári 17 cekýnd ótkende esep aıyrmasyn qysqartty.
Reseılik Vladımır Galýzın 59-mınýtta gol soqty. Dese de budan keıin «Amýrdyń» tarazy basyn teńestirýge múmkindigi bolǵan joq.
Osylaısha «Barys» qarsylasynan 3:2 eesbimen basym tústi.
Endi «Barys» 11 qyrkúıekte elordada Reseıdiń «Spartak» (Máskeý) komandasyn qabyldaıdy.
Eske salsaq, alǵashqy oıynynda 3 qyrkúıekte «Barys» elordada Reseıdiń «Salavat ıÝlaev» klýbyna 1:5 esebimen ese jiberdi.
Odan keıin elordada Reseıdiń «Metallýrg» (Magnıtogorsk) klýbyna 1:2 esebimen jeńildi.
