Qurlyqtyq hokkeı lıgasy: «Barys» «Amýr» komandasyn jeńdi
NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn Reseıde «Amýr» (Habarovsk) komandasymen ótkizdi, dep habarlaıdy QazAqparat tilshisi.
Kezdesý barysynda qos komanda jeńiske jetý múmkindigin izdedi. Bir-biriniń qaqpasy aldynda jıi shabýyl uıymdastyrdy.
Nátıjesinde 32-mınýtta Kırıll Savıtskıı mergendigimen kózge tústi. Budan keıin ekinshi kezeńde tablodaǵy esep ózgergen joq.
Osylaısha «Barys» qarsylasynan 1:0 esebimen basym tústi.
Eske salsaq, budan buryn eki komanda arasyndaǵy sońǵy bes kezdesýdiń tórteýinde qazaqstandyq klýb jeńiske jetti.
Komandalar búginge deıin 41 márte sheberlik baıqasty.
Onyń 22-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Eske salsaq, qazaqstandyq klýb budan buryn Reseıdiń «Admıral» (Vladıvostok) komandasynan basym tústi.
«Barys» endi elordada 3 qarashada Fınlıandııanyń «Iokerıt» komandasyn qabyldaıdy.
