Qurlyqaralyq kýbokty qazaqstandyq jaǵajaı voleıbolshylary sátsiz bastady
ALMATY. 28 maýsmy. QazAqparat - Búgin Máskeýde jaǵajaı voleıbolynan áıelder arasynda Qurlyqaralyq kýbok úshin olımpıadalyq irikteý týrnıriniń fınaly bastaldy.
Onda Reseı, Nıderlandy, Meksıka, Venesýela, Mozambık quramalarymen «V» tobynda óner kórsetetin qazaqstandyqtar Eýropa konfederatsııasynyń fınalısi sanalatyn Nıderlandy sportshylaryna 0:2 esebimen ese jiberdi. Endi Tatıana Mashkova men Irına Tsymbalova, Baqytgúl Samalqova men Lıýbov Bogatý erteń Reseı men Meksıka, arǵy kúni Mozambık pen Venesýela quramasymen kezdesedi. Alǵashqy oıynda reseılikter venesýelalyqtardan, meksıkandyqtar mozambıkterden 2:0 esebimen basym tústi.
1 shildege deıin bul básekede Italııa, Shveıtsarııa, Qytaı, Ýrýgvaı, Kenııa quramalary «A» tobyna toptasyp otyr. Onda qazir Ýrýgvaı men Italııa sportshylary arasyndaǵy tuńǵysh kezdesý 1:2 esebimen aıaqtaldy.
