Qurlyqaralyq kýbok: «Arlan» hokkeıshileri Irlandııaǵa attandy
KÓKShETAÝ. QazAqparat - Kókshetaýdyń «Arlan» HK Irlandııada ótetin Qurlyqaralyq kýboktiń fınaldyq oınyna attandy, dep habarlaıdy QazAqparat tilshisi Klýbtyń baspasóz qyzmetine silteme jasap.
«8 qańtarda saǵat 08:00- de «Arlan» HK 2018-2019 jylǵy Qurlyqaralyq kýboktiń fınaldyq oınyna qatysý úshin Irlandııanyń Belfast qalasyna atandy. Komanda Kókshetaý - Astana - London - Belfast baǵyty boıynsha 6450 shaqyrym qashyqtyqty artqa tastaıdy», - delingen baspasóz habarlamasynda.
Eske sala keteıik, ótken jyldyń qarasha aıynda «arlandar» Frantsııanyń Lıon qalasynda ótken Qurlyqaralyq kýbogtiń jartylaı fınalynda úsh oıyn ótkizip, onyń barlyǵynda jeńiske jetti jáne fınaldyq kezeńge shyqqan edi.
Bul týrnırdiń fınalynda «Arlan» hokkeıshileri Irlandııanyń «Belfast Djaıants», Polshanyń «Katovıtse» jáne Belarýstiń «Gomel» komandalarymen kezdesedi.
