Qurlyq hokkeı lıgasy: «Barystyń» «Torpedomen» oıyny keıinge qaldy
NUR-SULTAN. QazAqparat – Qurlyqtyq hokkeı lıgasy «Torpedo» (Nıjnıı Novgorod) komandasynyń eki oıyny keıinge qalǵanyn jarııa etti, dep habarlaıdy QazAqparat tilshisi.
«Barys» hokkeı klýby málim etkendeı, «Torpedo» komandasynyń 11 oıynshysy men eki ókilinen koronavırýs tabylǵan.
Osyǵan baılanysty QHL 11 jáne 13 qańtar kúni ótýi tıis «Torpedo» - «Barys» jáne «Torpedo» - «Kýnlýn Red Star» matchtaryn ótkizbeý týraly sheshim qabyldady.
Atalmysh qos báseke týrasyndaǵy sheshim keıin belgili bolady.
«Barys» komandasy búgin keshkisin Máskeýge ushady. Odan keıin avtobýspen Podolskige barady. 13 qańtar kúni ıÝrıı Mıhaılıstiń shákirtteri «Vıtıaz» komandasymen kezdesedi.
Eske sala keteıik, budan buryn «Barystyń» kezekti oıynyn syrt aıdynda «Torpedo» komandasymen ótkizetinin jazǵan bolatynbyz.
