Qurlyq áskerlerinde jaýyngerlik ázirlik deńgeıi joǵary qolbasshylyqtar men bólimder ataldy - QR QM (FOTO)
Oǵan barlyǵy shamamen 200 adam óńirlik qolbasshylyqtardyń, ásker tekteri men áskerı bólimderdiń basshylyq quramy qatysty. Bul týraly QR Qorǵanys mınıstrliginiń baspasóz qyzmeti habarlady.
Áskerı qyzmetshiler jaýyngerlik ázirlikti jetildirýdiń ózekti máselelerin talqylady, áskerlerdi jaýyngerlik daıarlaýdyń jańa úlgileri men quraldaryn qarastyrdy. Máselen, tankti atys qalashyǵy (tank arnaıy tuǵyrnamada bekitilgen, atys jaýyngerlik mashınany aýystyrýsyz júrgiziledi).
Munda 2015 jyldyń birinshi jartyjyldyǵynyń qorytyndysy shyǵaryldy. Qazaqstannyń Qurlyq áskerlerindegi eń jaqsy daıyndalǵan jáne jaýyngerlik qabiletti dep general-maıor Murat Bektanov qolbasshylyq etip otyrǵan «Shyǵys» óńirlik qolbasshylyǵy jáne polkovnık Amangeldi Jánesovtiń qaramaǵyndaǵy 37-shi desanttyq-shabýyldaý brıgadasy tanyldy.
«Men jıynnyń maqsaty men mindeti tolyq oryndaldy dep esepteımin. Qurlyq áskerleriniń jaýyngerlik ázirligi artyp kele jatyr. Qazir bizdiń áskerı qyzmetshilerdiń jaýyngerlik daıyndyq deńgeıine kóńilimiz tolady», - dedi QR QK Qurlyq áskerleriniń bas qolbasshysy general-leıtenat Murat Maıkeev.
Jedel-ádistemelik jıyndar 2010 jyldan bastap ár jarty jyl saıyn ótetinin aıta ketken jón.