Qurlyq áskerlerinde oqytý men jaýyngerlik daıarlyqtyń ádistemesi udaıy túzetilip otyrady - M. Maıkeev (FOTO)
Jıynnyń búgingi (ekinshi kún) kúni polıgon jaǵdaıyndaǵy praktıkalyq sabaqtarǵa arnalǵan. Osy maqsatta jıynǵa qatysýshylar «Іle» oqý-jattyǵý ortalyǵyna baryp, onda olar úshin Qazbrıgtiń bólimsheleri batalonnyń dalalyq joryǵyn uıymdastyrý jáne ótkizý tártibin kórsetti.
Jıyn sheńberinde qatysýshylarǵa jańa qarý-jaraq pen áskerı tehnıkanyń 50-den astam úlgileri, sonyń ishinde jańa tehnıkalyq qyzmet kórsetý jáne tehnıkany jóndeý quraldary kórsetildi. Aeroutqyr áskerleri bólimsheleriniń jumysyn baqylaý barysynda ofıtserler oqý oryndarynda batalonnyń polıgonǵa shyǵýyn josparlaý jáne daıyndaý, batalon quramyna kiretin bólimshelermen sabaqtar uıymdastyrý, vzvodtardyń jaýyngerlik atystaryn ótkizý máselelerin pysyqtaıdy. Úlgilik sabaqtar barysynda ofıtserler oqý-jattyǵý polıgonyndaǵy jumys kezinde batalondy moraldyq-psıhologııalyq, tyldyq, tehnıkalyq, medıtsınalyq qamtamasyz etý máselelerin egjeı-tegjeıli zerdeleıtin bolady. «Áskerı qolbasshylyq aldynda áskerlerdi qaýipsizdiktiń qazirgi zamanǵy qaýip-qaterleri konteksinde úıretý mindeti tur», - dep QR QK Qurlyq áskerleriniń bas qolbasshysy general-leıtenant Murat Maıkeev atap ótti. «Qarýly kúrestiń túrleri men ádisteri ózgeristerin eskere otyryp, Qurlyq áskerlerinde oqytý men jaýyngerlik daıarlyqtyń ádistemesi udaıy túzetilip otyrady», - degen M. Maıkeev jaýyngerlik daıarlyqtyń, sondaı-aq qolbasshylyqtyń aıryqsha nazar aýdarýyn qajet etetin máselelerdiń basym baǵyttaryn naqtylaý jıynnyń negizgi maqsaty bolyp tabylatynyn atap ótti. Sonymen qatar, jıyn mindetteri qatarynda ártúrli ásker túrleri men tekteri bólimsheleriniń is-qımylyn jetildirý, olardyń ózara árekettesýi máseleleri pysyqtaldy. Bul rette komandırlerdiń jaǵdaıdy taldap, baǵalaı bilýine basa nazar aýdaryldy. «Іle» polıgonyndaǵy jıynǵa qatysýshylardyń jumysy atys qarýynan oq atý jattyǵýlaryn oryndaýmen jalǵasty. Sondaı-aq komandırler jıynnyń sońǵy kúni ózderiniń kásibı biliktilikterin dene daıarlyǵynan synaq tapsyrý barysynda jáne komandalyq-shtabtyq jattyǵý barysynda kórsetetin bolady.