Qurlyq áskerleri tuńǵysh ret ınjenerlik-saperlik polktarǵa arnalǵan qyzmettik ıtterdi daıyndady - QR QM
Bul ótken jyldyń shilde aıynda QR QK QÁ bas qolbasshysy general-leıtenant Murat Maıkeev engizgen kýrstyq daıarlyq sheńberinde úıretilgen alǵashqy qyzmettik ıtter. Áskerı qyzmetshiler ıtterdi arnaıy daıyndalǵan oqý-jattyǵý polıgondarynda, onyń ishinde 68665, 58012, 75263 jáne 54770 áskerı bólimderiniń bazasynda bir jyl úıretti. Itpen jumys isteý óte qyzyq deıdi nusqaýshylar. Onymen sóılesý qajet. Ol nusqaýshynyń daýys yrǵaǵyn, onyń emotsııasyn sezinedi jáne olar arqyly qashan durys nemese burys áreket etip jatqanyn túsinedi. Nemis ovcharkalary adal ári til alǵysh bolyp keledi, olardy úıretý qıyndyq týǵyzbaıdy. Endi 68665 áskerı bóliminiń bazasynda kórsetilim uıymdastyrý josparlanýda. Osylaısha alǵashqy qyzmettik ıtterdiń daıyndyq sapasy men olardyń armııadaǵy shynaıy qyzmetke ázirlik deńgeıin tekserýge bolady. Sabaqtar úsh kezeńde ótkiziledi. Birinshisi - jattyqtyrýdyń jalpy aıla-tásilderi. Ekinshisi - qyzmettik ıtterdiń kólikte jáne blokbekette jarylǵysh zattardyń zarıadtaryn izdeý jónindegi is-qımyldary. Úshinshi kezeń tórt aıaqty «jaýyngerler» mına alańynda jumys isteýge qanshalyqty daıyn ekenin tekseredi. Bul kezeń oq atýlar jáne jarylystarmen, jaýyngerlik is-qımyldarǵa jaqyndatylǵan jaǵdaıda ótkiziledi.