Qurlyq áskeriniń basshylyq quramy áskerılermen jumys jasaýdyń jańa ádisterin zerdeleýde

ASTANA. QazAqparat - 61993 áskerı bóliminiń bazasynda Qazaqstan Qurlyq áskerleriniń basshylyq quramymen jedel-ádistemelik jıyn ótýde, dep habarlaıdy QR Qorǵanys mınıstrliginiń baspasóz qyzmeti.

«Ońtústik», «Shyǵys», «Batys» jáne «Astana» tórt óńirlik qolbasshylyqtyń, Aeroutqyr áskerleri men Zymyran áskerleri jáne artıllerııa eki ásker tekteriniń basshylyǵy, sondaı-aq, áskerı bólimder men quramalardyń komandırleri munda oqýdan ótip jatyr. Sabaqtarda ofıtser-komandırler qarý-jaraq pen áskerı tehnıkany ustaý máselelerin, qarýly kúrestiń sıpatynyń ózgerýin eskere otyryp, taktıkalyq oqý-jattyǵýlardy daıyndaý jáne ótkizý tártibin zerdeleýde.  

Sabaqtardyń maqsaty men taqyryby álemdegi jáne Orta-Azııalyq óńirdegi áskerı-saıası jaǵdaıdyń ózgerýi, sondaı-aq, áskerlerdiń jaýyngerlik ázirligi men kúndelikti qyzmetiniń tekserilýi nátıjeleri eskerile otyryp, anyqtaldy. Odan basqa, jıyn sheńberinde túnde qarý-jaraqtan oq atýmen qazaqstandyq «Arlan» jaýyngerlik dóńgelekti mashınasynyń taktıka-tehnıkalyq sıpattamalarynyń is júzindegi kórsetilimi ótkizildi.  

«Arlan» alǵashqy qazaqstandyq brondy mashına bolyp tabylady jáne Qurlyq áskerleriniń jaraqtandyrýynda turǵan kezde jeke quramnyń onyń múmkindikteri men paıdalaný erekshelikterin tolyqqandy meńgergeni mańyzdy. Bas qolbasshynyń basqarmasynda aıtyp ótkendeı, Qurlyq áskerlerinde sarbazdardy ǵana emes, sonymen birge, komandırlerdi de oqytyp-úıretedi. Búgingi tańda jıyn áskerı basqarý organdary men áskerlerdi daıarlaýdy jetildirý jáne oqytýdyń ozyq ádistemelerin taratý boıynsha mańyzdy is-shara bolyp tabylady.

Ol áskerlerdiń kúndelikti tynys-tirshiligin uıymdastyrýda biryńǵaı kózqarasty damytýǵa, sondaı-aq, áskerlerdiń kúndelikti tynys-tirshiliginiń, ıaǵnı, jaýyngerlik daıarlyq, áskerı tártip jáne qarý-jaraq pen áskerı tehnıkanyń jaı-kúıi negizgi kórsetkishteri boıynsha qorytyndy shyǵarýǵa múmkindik beredi.