Qurlyqtyq kýbok oıyndarynda «Nomad» ekinshi márte jeńiske jetti

Qurlyqtyq kýbok oıyndarynda qazaqstandyq «Nomad» komandasy ekinshi jeńisine qol jetkizdi, dep habarlaıdy Kazinform. 

Jarystyń fınaldyq satysynda elordalyq komanda «Kardıff Devılz» (Ýels), «Katovıtse» (Polsha) men «Hernıng Blıý Foks» (Danııa) klýbtarymen oınap jatyr.

Búgingi kezdesýde qazaqstandyq komanda Ýelstiń «Kardıff Devılz» klýbymen sheberlik baıqasty.

Oıyn barysynda elordalyq hokkeıshiler basym tústi. Nátıjesinde qarsylasynan 7:2 esebimen alǵa shyqty. Olardyń qatarynan Aleksandr Borısevıch 2, Maksım Mýsorov 3, Dinmuhamed Qaıyrjan 4, Stanıslav Aleksandrov 19, Alan Gatııagov 24, Danııl Tsybın 29, Oleg Boıko 34-mınýtta mergendik tanytty. Oǵan ýelstik klýbtan eki golmen jaýap qaıyrdy.

Endi «Nomad» aldaǵy oıynyn 14 qańtarda Polshanyń «Katovıtse» klýbymen oınaıdy.

Sondaı-aq búgin atalǵan topta «Katovıtse» men «Hernıng Blıý Foks» kezdesedi.

Eske salsaq, budan buryn elordalyq klýb «Hernıng Blıý Foks» (Danııa) klýbynan 5:2 esebimen basym tústi.

Qurlyqtyq kýbok Halyqaralyq shaıbaly hokkeı federatsııasy aıasynda 1997 jyldan beri turaqty túrde ótkizilip keledi. Qazirge deıin elimizdiń atynan qatysqan Kókshetaýdyń «Arlan» komandasy 2018/2019 jylǵy týrnırde bas júldeni jeńip aldy.

Ár jyldarda «Beıbarys» (Atyraý), «Saryarqa» (Qaraǵandy), «Nomad» (Astana) ekinshi orynǵa jaıǵassa, «Qaztsınk-Torpedo» (Óskemen) qola júldeger atanǵan edi.