Qurlyq áskerleriniń bas qolbasshysy tank qarý-jaraǵynan atýda sheberlik kórsetti
ASTANA. KAZINFORM – Gvardeısk garnızonynyń tank bólimi «Mátibulaq» polıgonynda T-72 tankisiniń qarý-jaraǵynan josparly atys jattyǵýlaryn ótkizdi. Sabaq barysyn baqylaǵan Qurlyq áskerleriniń bas qolbasshysy general-maıor Mereke Kóshekbaev jeke quramǵa ózi úlgi kórsetti.
Atys sabaqtary bastalar aldynda general-maıor Kóshekbaev tank ekıpajynyń quramynda kózdeýshi operator retinde kórsetilimdik júristi oryndady. Jattyǵý kezinde shtattyq snarıadtarmen nysanalarǵa dál tıgizip, qarý-jaraq pen tehnıkany tıimdi basqarý ádisterin kórsetti.
Atystar 125 mm kalıbrli zeńbirek pen PKT qosarlanǵan pýlemetinen 1 600, 1 700 jáne 1 800 metr qashyqtyqtaǵy nysanalarǵa júrgizildi.
Jattyǵý barysynda ekıpajdardyń úılesimdiligine, atystyń dáldigine jáne buıryqtardy oryndaý jyldamdyǵyna erekshe kóńil bólindi.
Atys sabaqtarynyń qorytyndysy boıynsha jeke quramnyń daıarlyǵy joǵary deńgeıde dep baǵalandy. Barlyq ekıpajdar tapsyrmalardy «jaqsy» jáne «úzdik» baǵalarymen oryndady.
Sonymen qatar qolbasshylyq qatardaǵy jaýynger Vladımır Ganjenkonyń daıyndyǵyn joǵary baǵalap, oǵan kelisimshart boıynsha qyzmetin jalǵastyrý usynyldy. Vladımır Ganjenko usynysty qabyldap, kelisimin bildirdi.
Buǵan deıin Aqtaýda Áskerı-teńiz kúshteri kemeleriniń jaýyngerlik ázirligi tekserilgenin jazǵan edik.
