Kúrishtiń genetıkalyq modıfıkatsııalanǵan jańa túri shyǵaryldy
ASTANA. QazAqparat - AQSh mamandary qurǵaqshylyqqa, tuzdy toqyraqqa jáne tyńaıtqyshtyń jetispeýshiligine tózimdi kúrishtiń genetıkalyq modıfıkatsııalanǵan jańa túrin jasap shyǵardy, dep jazady sheteldik BAQ.
«Osylaısha Azııa men Afrıkanyń egin sharýashylyǵynda táýekeli kóp aýdandarynda kúrishtiń turaqty ónimin qamtamasyz etýdegi eń qıyn mindetterdiń birin sheshýge jaǵdaı jasaldy», - deıdi ǵalymdar.
BUU sarapshylardyń esepteýlerine qaraǵanda, jyl saıyn álemde 13 mlrd. dollardyń dándi daqyldary ólip qalady eken. Sonymen birge, taǵy 1 mlrd. dollardyń ónimi topyraqtyń tuzdanýy saldarynan shyǵynǵa ushyraıdy. Al tyńaıtqyshtyń jetispeýshiligi saldarynan keletin shyǵyndy esepteý múmkin bolmaı otyr.
Sondyqtan da búgingi tańda álemniń aldyńǵy qatarly zerthanalarynda tynbaı eńbektenip jatqan myńdaǵan ǵylymı ujymdar dándi daqyldar genin modıfıkatsııalaý arqyly tabıǵattyń qatal synyna tózimdi túrlerin shyǵarý úshin baryn salýda.
