Quryltaıǵa jańadan kelgen depýtat ant berdi
ASTANA. KAZINFORM — Búgin Quryltaıdyń jalpy otyrysynda Gúlnár Toılybaeva depýtat retinde ant berdi.
Aıta keteıik, jaqynda QR Ortalyq saılaý komıssııasy Gúlnár Qojaǵulqyzyn Qazaqstan Respýblıkasy Quryltaıynyń depýtaty retinde tirkeý týraly qaýly qabyldady.
— Qazaqstan halqyna adal qyzmet etýge, Qazaqstan Respýblıkasynyń tutastyǵy men táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, depýtattyń ózime júktelgen mártebeli mindetterin adal atqarýǵa ant etemin, — dedi G. Toılybaeva ant qabyldaý rásiminde.
Jalpy otyrys barysynda Gúlnár Qojaǵulqyzy Quryltaıdyń Qarjy jáne bıýdjet komıtetiniń múshesi retinde saılandy.
Eske salaıyq, 2026 jylǵy 7 qazanda Quryltaı depýtaty Tatıana Savelevanyń ókileti merziminen buryn toqtatylǵanyn habarlaǵan edik. Artynsha Tatıana Saveleva Qorǵanys mınıstriniń orynbasary bolyp taǵaıyndaldy.
Buǵan deıin «Ádilet» partııasy Quryltaı depýtatynyń bos mandatyna kandıdatýra usynǵanyn jazǵanbyz.
Partııanyń baspasóz qyzmetiniń málimetinshe, Gúlnár Toılybaeva memlekettik organdar men partııa qurylymdarynda uzaq jyldan beri qyzmet etken. Buǵan deıin oblystyq máslıhattyń hatshysy jáne tóraǵasy qyzmetterin atqarǵan.
