Quryltaıǵa jańa adamdar kelýi kerek — Máýlen Áshimbaev
ASTANA. KAZINFORM — Senattyń sońǵy otyrysynan keıingi brıfıngte Máýlen Áshimbaev bir palataly jańa Parlament Quryltaıdyń quramy qandaı bolýy qajet ekeni jóninde málimdeme jasady.
— Jańa adamdar kelýi kerek. Bul — meniń pikirim. Qazir zaman óte belsendi, bári tym tez ózgeredi. Quryltaıda keleshegi jarqyn saıasatkerler, jańa tulǵalar, qazirgiden kóbirek jastar men áıelder, óńirlerden barynsha kóp ókilder bolsa, elimiz úshin óte mańyzdy jáne paıdaly bolar edi. Senat jáne Májilis depýtattary barlyq ıdeıasyn iske asyryp, baryn sarqyp, berip boldy demeımin. Biraq qazirgideı belsendi ózgerister zamanynda memlekettik basqarý júıesine barynsha kóbirek azamat tartylýy qajet. Olar joǵary organda jumys istep, qajetti zańdardy qabyldaýǵa kómektesýi kerek. Sonymen birge, jańa partııalar qurylyp, ózgerister bolyp jatyr. Bul úderisti qoldaımyn. Jańa tulǵalar kelýi kerek. Olar ádiletti Qazaqstan qurýǵa, Memleket basshysynyń reformalaryn júzege asyrýǵa kómekteskeni jón, — dedi ol.
Aıta keteıik, buǵan deıin Áshimbaev Senattyń jumysyn qorytyndylaǵanyn jazǵanbyz.
