Quryltaıǵa tarıhı saılaý: qazaqstandyqtar tań sáriden jappaı daýys berýge kelip jatyr
ASTANA. KAZINFORM — Búgin, 23 tamyzda, Qazaqstan óz tarıhynda alǵash ret Quryltaı depýtattaryn saılap jatyr.
Daýys berý tańǵy saǵat 07:00-den bastalyp, 20:00-ge deıin jalǵasady. Alǵashqy saǵattardyń ózi jeksenbiniń tańyna tán mamyrajaı tynyshtyqtyń bul joly saılaý ýchaskelerinde baıqalmaǵanyn ańǵartty.
Esikter ashyla salysymen saılaýshylar saılaý komıssııalarynyń ústelderine qaraı aǵylyp, keıbir ýchaskelerde birden kezek qalyptasty. Tańnan-aq búgingi kúnniń aıryqsha tynysy seziledi.
Daýys berýge jurt jeke-jeke de, otbasymen de, tutas eńbe kujymdarymen de kelip jatyr. Qazaqstan úshin bul jeksenbi daýys berý faktisiniń ózimen-aq tarıhı kúnge aınaldy: el azamattary alǵash ret jańa ókildi organ –tuńǵysh Quryltaıdyń quramyn jasaqtaýda.
