Quryltaıǵa qatysty saılaý qarsańynda jańa partııalar paıda bola ma
ASTANA. KAZINFORM — Ádilet mınıstri Erlan Sársembaev Qazaqstanda jańa saıası partııanyń paıda bolýy múmkindigine qatysty pikir aıtty.
— Bul suraq ádilet organdaryna qatysty emes, ıaǵnı jańa partııany tirkeý, qaıta qurý nemese basqa da qadamdardy júzege asyrý quqyǵy el azamattaryna berilgen, — dedi E. Sársembaev Parlament Májilisinde tilshiler suraǵyna jaýap bere otyryp.
Sonymen qatar mınıstrden Quryltaıdaǵy saılaý qarsańynda qaı dataǵa deıin jańa partııalar paıda bolýy múmkin ekeni suraldy.
— Jańa Konstıtýtsııaǵa sáıkes, tıisti is-qımyldar 1 shildege deıin ótedi. Sodan keıin Quryltaıdaǵy saılaý jarııalanady. Tirkeýden ótken partııalar bul saılaýǵa qatysady, — dedi mınıstr.
Eske salsaq, jaqynda Qazaqstanda jańa saıası uıym — «Ádilet» partııasy memlekettik tirkeýden ótti.
