Quryltaıdyń jańa depýtattary ant berip jatyr
ASTANA. KAZINFORM — Birinshi shaqyrylymdaǵy Quryltaıdyń jalpy otyrysynda jańa organ depýtattarynyń saltanatty ant berý rásimi bastaldy.
Ortalyq saılaý komıssııasynyń tóraǵasy Nurlan Ábdirov QR Konstıtýtsııasynyń 54-babyna sáıkes, Quryltaı depýtattary ant beretinin eske saldy.
— Qazaqstan halqyna adal qyzmet etýge, Qazaqstan Respýblıkasynyń tutastyǵy men táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, depýtattyń ózime júktelgen mártebeli mindetterin adal atqarýǵa ant etemin, — dep jazylǵan ant mátininde.
Eske salaıyq, 23 tamyzda bir palataly Quryltaı depýtattaryn saılaý ótti.
Saılaý zańnamasynyń talaptaryna sáıkes saılaýshylardyń 5 jáne odan da kóp paıyz daýysyn jınaǵan bes saıası partııa arasynda depýtattyq mandattar aıqyndaldy. Osyǵan baılanysty QR Quryltaıy depýtattarynyń 145 mandaty tómendegideı bólindi:
- «Ádilet» partııasy — 110 mandat;
- Jalpyulttyq sotsıal-demokratııalyq partııa — 8 mandat;
- «Aýyl» partııasy — 10 mandat;
- «Aq jol» Qazaqstannyń demokratııalyq partııasy — 8 mandat;
- «Respublica» partııasy — 9 mandat.
Buǵan deıin Qasym-Jomart Toqaev Quryltaıdyń alǵashqy quramyna aıryqsha jaýapkershilik júkteletinin aıtqan edi.
Prezıdent QR Quryltaıynyń tóraǵasy laýazymyna Aıbek Dádebaıdy usyndy.
