Quryltaıdyń turaqty komıtetteriniń tóraǵalary saılandy

Quryltaı tóraǵasy Aıbek Dádebaı QR Quryltaıy jáne onyń depýtattarynyń mártebesi týraly konstıtýtsııalyq zańnyń 36-babynyń 2-tarmaǵyn eske saldy.

Oǵan sáıkes, turaqty komıtetterdiń tóraǵalary eger Quryltaı daýys berýdiń ózge tártibin aıqyndamasa, Quryltaı depýtattary jalpy sanynyń kópshilik daýsymen, Quryltaı otyrysynda ashyq daýys berý arqyly saılanady.

Sheshim ár kandıdatýra boıynsha jeke qabyldanady jáne qaýlymen rásimdeledi.

Osylaısha, Quryltaıdaǵy segiz turaqty komıtettiń tóraǵalary bolyp myna depýtattar saılandy:

— Serik Egizbaev — Agrarlyq máseleler, ekologııa jáne tabıǵı resýrstar komıteti;

— Únzıla Shapaq — Konstıtýtsııalyq zańnama, sot júıesi jáne quqyq qorǵaý organdary komıteti;

— Marat Qojaev — Halyqaralyq ister, qorǵanys jáne qaýipsizdik komıteti;

— Ámirbek Ospanbekov — Óńirlik jáne ınfraqurylymdyq damý komıteti;

— Ashat Aımaǵambetov — Áleýmettik-mádenı damý komıteti;

— Olga Perepechına — Qarjy jáne bıýdjet komıteti;

— Darhan Ahmedıev — Tsıfrlandyrý, ınnovatsııalar jáne ǵylym komıteti;

— Natalıa Godýnova — Ekonomıkalyq saıasat, ónerkásip jáne energetıka komıteti.

Bul rette Quryltaıdyń bir turaqty komıtetiniń tóraǵasy Quryltaı oppozıtsııasynan saılanady. Quryltaıdaǵy kópshilik jáne oppozıtsııaǵa kiretin saıası partııalar fraktsııalary basshylarynyń konsýltatsııalary ótti.

Konsýltatsııa barysynda birlesken sheshimge sáıkes, Quryltaıdyń Agrarlyq máseleler, ekologııa jáne tabıǵı resýrstar komıtetiniń tóraǵasy oppozıtsııadan usynyldy. Qalǵan komıtet tóraǵalary Quryltaıdaǵy kópshilikten, ıaǵnı Ádilet partııasynyń fraktsııasynan saılandy.

Buǵan deıin Aıbek Dádebaı Quryltaı tóraǵasy bolyp saılanǵan edi.

Sondaı-aq Quryltaı tóraǵasynyń orynbasarlary da anyqtaldy.