Quryltaıda Qoǵamdyq qabyldaý ashyldy
ASTANA. KAZINFORM – Quryltaı spıkeri Aıbek Dádebaıdyń tóraǵalyǵymen ótken Bıýro otyrysynda І shaqyrylymdaǵy Quryltaıdyń Qoǵamdyq qabyldaýyn ashý týraly sheshim qabyldandy.
Quryltaı tóraǵasynyń orynbasary Dınara Zakıevanyń aıtýynsha, Qoǵamdyq qabyldaý azamattarmen tikeleı qarym-qatynas ornatýǵa, olardyń ótinishteri men usynystaryn zer salyp qaraýǵa arnalǵan alań bolmaq.
Quryltaı tóraǵasynyń tapsyrmasy boıynsha Qoǵamdyq qabyldaýda depýtattardyń azamattardy qabyldaýyn uıymdastyrý jáne ótkizý qaǵıdalary ázirlendi. Depýtattardyń qabyldaý kestesi barlyq fraktsııalar jáne komıtettermen kelisilip, Quryltaıdyń resmı saıtynda ornalastyryldy.
Qoǵamdyq qabyldaýdyń jumysyn úılestirýdi Quryltaı depýtattary Konstantın Avershınge, Aıjan Aımaǵanovaǵa jáne Sholpan Karınovaǵa júkteý usynyldy.
Quryltaı depýtatynyń qabyldaýyna Quryltaıdyń resmı saıty arqyly elektrondyq ótinish joldaý, jazbasha nemese qolma-qol ótinish berý, sondaı-aq tikeleı aýyzsha júginý arqyly jazylýǵa bolady.
Aıta ketelik Quryltaı Bıýrosy aldaǵy kezeńdegi zańnamalyq kún tártibin aıqyndaǵan edi.
