Quryltaıda EQYU Parlamenttik Assambleıasymen yntymaqtastyqty damytý perspektıvalary talqylandy
ASTANA. KAZINFORM — Quryltaıǵa EQYU Parlamenttik Assambleıasynyń Vıtse-prezıdenti, Aýstrııa Parlamenti Ulttyq keńesiniń depýtaty Gýdrýn Kýgler keldi. Kezdesý Quryltaıdyń Halyqaralyq ister, qorǵanys jáne qaýipsizdik komıtetiniń múshesi, jýyrda EQYU Parlamenttik Assambleıasynyń Klımattyń ózgerýi máseleleri jónindegi arnaıy ókili bolyp taǵaıyndalǵan depýtat Dana Medeýovanyń tóraǵalyǵymen ótti. Bul týraly «Ádilet» partııasynyń baspasóz qyzmeti habarlady.
Kezdesýge qatysýshylar parlamentaralyq yntymaqtastyqty damytý, klımattyń ózgerýi men demografııalyq turaqtylyq máselelerin, sondaı-aq EQYU Parlamenttik Assambleıasy aıasynda birlesken bastamalardy júzege asyrý perspektıvalaryn talqylady.
— Biz EQYU Parlamenttik Assambleıasymen syndarly dıalogty damytýǵa nıettimiz. Ortalyq Azııa elderi ókilderiniń Assambleıadaǵy basshylyq laýazymdarda bolýy óńirlik kún tártibin, ásirese klımattyń ózgerýi máselelerin ilgeriletýge yqpal etetinine senimdimiz, — dep atap ótti depýtat Dana Medeýova.
Kezdesýde klımattyq jáne demografııalyq ózgeristerdiń ózara baılanysyna, sý qaýipsizdigi máselelerine jáne Qazaqstan Respýblıkasynyń Prezıdenti Qasym-Jomart Toqaevtyń BUU aıasynda Halyqaralyq sý uıymyn qurý jónindegi bastamasyna erekshe nazar aýdaryldy. Sonymen qatar, taraptar EQYU Parlamenttik Assambleıasynyń aldaǵy is-sharalarynda birlesken bastamalardy ilgeriletý perspektıvalary boıynsha pikir almasty.
Talqylaýǵa Quryltaı depýtattary Ásel Badenova, Evgenıı Bolgert, Shahmardan Baımanov, ıÝlııa Kýchınskaıa, Aıdos Sarym jáne Nurgúl Taý qatysty.
Kezdesý qorytyndysy boıynsha taraptar klımattyq jáne demografııalyq qaýipsizdik máseleleri boıynsha ózara is-qımyldy jalǵastyrýǵa kelisti.
