Quryltaı saılaýynda jeti partııadan 546 kandıdat baq synaıdy
ASTANA. KAZINFORM — Quryltaı depýtattyǵyna kandıdattardy usyný aıaqtaldy. Ortalyq saılaý komıssııasyna jeti saıası partııadan barlyǵy 546 kandıdattyń qujattary tapsyryldy.
Quryltaı depýtattyǵyna kandıdattardy usyný 2026 jylǵy 13 shilde saǵat 18:00–de aıaqtaldy. Bul týraly Ortalyq saılaý komıssııasynyń hatshysy Shavhat Ótemisov málimdedi.
Onyń aıtýynsha, OSK-ǵa jeti saıası partııanyń partııalyq tizimderi usynylǵan. Atap aıtqanda:
— « Aq jol» demokratııalyq partııasy — 63 kandıdat;
«Aýyl» partııasy — 69 kandıdat;
— «Ádilet» saıası partııasy — 186 kandıdat;
— «Baıtaq» jasyldar partııasy — 47 kandıdat;
— Qazaqstan halyq partııasy — 72 kandıdat;
— Jalpyulttyq sotsıal-demokratııalyq partııasy — 33 kandıdat;
— Respublica partııasy — 76 kandıdat.
Osylaısha, partııalyq tizimderge barlyǵy 546 kandıdat engizildi.
— Qazir barlyq partııa usynǵan qujattar kandıdattardyń Konstıtýtsııa men «Qazaqstan Respýblıkasyndaǵy saılaý týraly» Konstıtýtsııalyq zańda belgilengen talaptarǵa sáıkestigin tekserý úshin ýákiletti memlekettik organdarǵa jiberildi. Saıası partııalar usynǵan partııalyq tizimderdi tirkeý 2026 jylǵy 23 shilde saǵat 18:00–de aıaqtalady, — dedi OSK hatshysy.
Aıta keteıik, buǵan deıin Quryltaı depýtattaryn saılaý naýqanynda BAQ pen onlaın-platformalarǵa qoıylatyn talaptar jarııalanǵan edi.
