Quryltaı saılaýyna jumsalǵan qarjynyń esebi qashan jarııalanady
ASTANA. KAZINFORM - Quryltaı saılaýyn ótkizýge bólingen qarjynyń qalaı jumsalǵany týraly Ortalyq saılaý komıssııasynyń múshesi Mıhaıl Bortnık aıtyp berdi.
Onyń sózinshe, respýblıkalyq bıýdjetten bólingen qarajattyń negizgi bóligi óńirlerdegi saılaý komıssııalary músheleriniń eńbekaqysyn tóleýge jáne saılaýdy uıymdastyrýǵa jumsaldy.
— Qarajat respýblıkalyq bıýdjetten jergilikti atqarýshy organdarǵa beriledi. Olar óz kezeginde qarjyny saılaý komıssııalaryna jetkizedi. Qarajat bıýdjet zańnamasyna sáıkes jumsalady. Saılaý naýqany aıaqtalǵannan keıin 60 kún ishinde onyń qorytyndysy shyǵarylady, - dedi Mıhaıl Bortnık.
Ol naqty qansha qarajattyń qandaı maqsatqa jumsalǵany keıinirek jeke jarııalanatynyn aıtty. Bul málimet 60 kúnnen de erterek daıyn bolýy múmkin.
— 60 kún dep belgilengenimen, biz bul jumysty sozbaımyz. Eger esep erterek daıyn bolsa, mindetti túrde habarlaımyz, — dedi OSK múshesi.
Aıta keteıik, buǵan deıin Quryltaı depýtattarynyń saılaýyn ótkizýge Úkimet rezervinen 34,3 mlrd teńge bólingeni habarlandy.
