Quryltaı saılaýyna baılanysty Almatyda qoǵamdyq kólik tegin bolady
ALMATY. KAZINFORM – Almaty qalasynyń Jol qozǵalysy jáne jolaýshylar kóligin uıymdastyrý basqarmasy Quryltaı saılaýy ótetin 23 tamyz kúni qalanyń qoǵamdyq kólikterinde jol júrý tegin bolatynyn málimdedi.
Basqarma málimetinshe, saılaý kúni qala turǵyndary men qonaqtarynyń júrip-turýyna qolaıly jaǵdaı jasaý maqsatynda tegin jol júrý múmkindigi engiziledi. Kúni boıy qoǵamdyq kóliktiń barlyq baǵytynda – avtobýstarda, trolleıbýstarda jáne metroda jol júrý tegin bolady.
- Qala turǵyndary men qonaqtaryn saparyn aldyn ala josparlap, daýys berý kúni qala ishinde qolaıly qatynaý úshin qoǵamdyq kólikti paıdalanýǵa shaqyrady, - dep habarlady ákimdikten.
Eske salaıyq, Almatyda Quryltaı saılaýyna daıyndyq qalaı júrip jatqanyn jazǵanbyz.
