Quryltaı saılaýyna 35 jasqa deıingi 67 jas kandıdat qatysyp jatyr
ASTANA. KAZINFORM — Mádenıet jáne aqparat mınıstrliginiń jastar ǵylymı zertteý ortalyǵynyń basqarma basshysy Balgúl Mámen jalpyulttyq onlaın-marafon barysynda jastar belsendiligi jaıynda aıtty.
Onyń sózinshe, qazirgi jastardyń saılaýǵa qatysýda belsendiligi joǵary.
— Qazaqstan — demografııalyq jaǵynan jas memleket. Burynǵy býyn men qazirgi jastardyń saılaýǵa jáne saıası protsesterge degen kózqarasy men belsendiligi óte joǵary, — deıdi ol.
Balgúl Mámen atap ótkendeı, zertteýlerge sáıkes, elimizde jastardyń 67,6 paıyzy saılaýdy mańyzdy dep sanaıdy.
— Bul tusta jastar saılaýshy emes, kandıdat retinde kórgisi keledi. Quryltaı saılaýyna kandıdattar tizimindegi 545 kandıdattyń 67-si — 35 jasqa deıingi jastar, ıaǵnı búgingi jastardyń tendentsııasy — qyzyǵýshylyqtan qatysýǵa, qatysýdan jaýapkershilikke bastaıdy, — dedi spıker.
Buǵan deıin Qazaqstanda Quryltaı depýtattaryn saılaý boıynsha daýys berý aıaqtaldy. Jergilikti ýaqyt boıynsha saǵat 20:00-de el aýmaǵyndaǵy saılaý ýchaskeleri jabylyp, komıssııalar daýystardy sanaýǵa kiristi.
20:00-degi jaǵdaı boıynsha Quryltaı saılaýynda 9 mln 350 myń adam daýys berdi.
