Quryltaı saılaýyn 777 halyqaralyq baıqaýshy baqylaıdy
ASTANA. KAZINFORM — QR Ortalyq saılaý komıssııasynyń otyrysynda QR Quryltaıy depýtattaryn saılaýǵa shet memleketter men halyqaralyq uıymdardyń baıqaýshylaryn akkredıtteý týraly Qaýly qabyldandy.
— 777 halyqaralyq baıqaýshy akkredıtteýden ótti. Onyń ishinde 160 baıqaýshy 42 shet memleketten. Al 617 baıqaýshy 13 halyqaralyq uıymnan. Sonymen qatar, parlamenttik assambleıalar men halyqaralyq parlamenttik uıymdardan 41 eldiń atynan 138 Parlament depýtaty baıqaýshy retinde tirkeldi, — dedi QR Ortalyq saılaý komıssııasynyń tóraǵasy Nurlan Ábdirov.
Onyń sózinshe, halyqaralyq baıqaýshylardyń qatysýy saılaý naýqanynyń ashyqtyǵy men jarııalylyǵyna jáne memleket halyqaralyq mindettemelerdi saqtaýyna yqpal etedi.
— Bul — bizdiń halyqaralyq mindettemelerge beıildiligimizdiń, sondaı-aq, halyqaralyq uıymdarmen, shet memlekettermen saılaý salasyndaǵy tyǵyz yntymaqtastyqty jalǵastyrýymyzdyń dáleli, — dedi Nurlan Ábdirov.
Aıta keteıik, buǵan deıin sheteldegi úsh saılaý ýchaskesi jumysyn toqtatqanyn jazǵanbyz.
