Quryltaı saılaýy: JSDP partııalyq tiziminde áıelder men jastardyń sany qansha
ASTANA.KAZINFORM — Jalpyulttyq sotsıal-demokratııalyq partııasynan partııalyq tizimge engizilgen barlyq kandıdat QR Konstıtýtsııasynyń jáne «QR saılaý týraly» konstıtýtsııalyq zańynyń talaptaryna sáıkes keledi Bul jóninde QR Ortalyq saılaý komıssııasynyń otyrysynda komıssııa múshesi Mıhaıl Bortnık málimdedi.
— Jalpyulttyq sotsıal-demokratııalyq partııasynyń partııalyq tizimine 33 adam engizilgen. Onyń ishinde 14 kandıdat áıelder, jastar jáne múgedektigi bar adamdar sanatyna jatady, bul jalpy jıyntyq boıynsha 30 paıyzdan asady. Zańda belgilengen kvota talaptary saqtalǵan. Ortalyq saılaý komıssııasy ýákiletti memlekettik organdarmen birlesip kandıdattarǵa qatysty tıisti tekserý júrgizdi. Júrgizilgen jumystardyń nátıjesi boıynsha partııalyq tizimge engizilgen barlyq kandıdat QR Konstıtýtsııasynyń jáne «QR saılaý týraly» konstıtýtsııalyq zańynyń talaptaryna sáıkes keledi dep tanyldy, — dedi Mıhaıl Bortnık.
Ortalyq saılaý komıssııasynyń múshesi, sondaı-aq, Jalpyulttyq sotsıal-demokratııalyq partııasy 2023 jylǵy 19 naýryzda ótken QR Parlamenti Májilisi depýtattarynyń saılaýynda saılaýshylardyń 5 paıyzdan astam daýysyn jınaǵanyn atady. Osyǵan baılanysty, zańnamaǵa sáıkes atalǵan partııa saılaý jarnasyn tóleýden bosatylady.
Aıta keteıik, buǵan deıin Jalpyulttyq sotsıal-demokratııalyq partııanyń partııalyq tizimi tirkelgenin jazǵanbyz.
