Quryltaı saılaýy: Jalpyulttyq sotsıal-demokratııalyq partııanyń partııalyq tizimi tirkeldi
ASTANA.KAZINFORM – QR Ortalyq saılaý komıssııasynyń otyrysynda Jalpyulttyq sotsıal-demokratııalyq partııanyń 33 kandıdattan turatyn partııalyq tizimi tirkeldi.
«QR saılaý týraly» QR konstıtýtsııalyq zańynyń 89-babyna sáıkes, QR Ortalyq saılaý komıssııasy qaýly etip, qujat mátinin komıssııa tóraǵasy Nurlan Ábdirov oqyp berdi.
– Birinshiden, «Jalpyulttyq sotsıal-demokratııalyq partııa» Respýblıkalyq qoǵamdyq birlestiginiń partııalyq tizimi osy qaýlyǵa 1-qosymshaǵa sáıkes tirkelsin. Ekinshiden, «Jalpyulttyq sotsıal-demokratııalyq partııa» Respýblıkalyq qoǵamdyq birlestiginiń partııalyq tizimi boıynsha tirkelgen QR Quryltaıynyń depýtattyǵyna kandıdattarǵa kýálikter berilsin. Úshinshiden, QR Ortalyq saılaý komıssııasynyń apparaty «Qazaqstan Halyq banki» aktsıonerlik qoǵamyna arnaýly ýaqytsha shot ashý úshin «Jalpyulttyq sotsıal-demokratııalyq partııa» Respýblıkalyq qoǵamdyq birlestiginiń partııalyq tiziminiń tirkelgeni týraly málimetterdi usynsyn. Tórtinshiden, «Jalpyulttyq sotsıal-demokratııalyq partııa» Respýblıkalyq qoǵamdyq birlestiginiń partııalyq tiziminiń tirkelgeni týraly habar osy qaýlyǵa 2-qosymshaǵa sáıkes buqaralyq aqparat quraldarynda jáne QR Ortalyq saılaý komıssııasynyń ınternet-resýrsynda jarııalansyn. Besinshiden, «Jalpyulttyq sotsıal-demokratııalyq partııa» Respýblıkalyq qoǵamdyq birlestiginiń ataýy saılaý bıýlletenine engizilsin, – dedi ol.
Aıta keteıik, buǵan deıin Respublica-nyń partııalyq tiziminen bir kandıdat shyǵarylǵanyn jazǵanbyz.
