Quryltaı saılaýy: Pavlodar turǵyndary 522 saılaý ýchaskesinde daýys bere alady
PAVLODAR. KAZINFORM - Jergilikti qalalar men aýdandardyń ákimdikteri qazirgi ýaqytta saılaýshylar tizimin qurýdy jalǵastyryp jatyr. Bul tizim 3 tamyzdan bastap jumysqa kirisetin ýchaskelik komıssııalarǵa beriledi.
Pavlodar oblysynda Quryltaı depýtattarynyń saılaýy 522 saılaý ýchaskesinde ótedi dep josparlanǵan.
- Saılaý ýaqytynda barlyǵy 536 saılaý komıssııasy jumys isteıtin bolady. Olarda 3,4 myńnan komıssııa músheleri bar. 21 saılaý ýchaskesiniń qoljetimdiligi shekteýli bolady. ıAǵnı olarǵa bas bostandyǵynan aıyrý oryndary, ýaqytsha ustaý ızolıatorlary, aýrýhanalar men sanatorııler jatady, - dep habarlady Pavlodar oblystyq aýmaqtyq saılaý komıssııasynyń tóraǵasy Gúlnar Amanjolova.
Ákimdikter jasap jatqan tizimge daýys berýge quqyǵy bar jáne saılaý ótetin sátte 18 jasqa tolǵan Qazaqstannyń barlyq azamaty engiziledi. Azamattyń tizimde bar-joǵyn jáne onyń derekteriniń durys kórsetilgenin tirkelgen jeri boıynsha saılaý ýchaskesinde tekserýge bolady.
Saılaýshylar muny 7 tamyzdan bastap anyqtaı alady.
Qazirgi ýaqytta oblystyq aýmaqtyq komıssııanyń barlyq 98 múshesi kezeń-kezeńimen oqytýdan ótken. Tamyz aıynda mundaı daıyndyqtan ýchaskelik komıssııa músheleri de ótedi.
Eske sala keteıik, Quryltaı depýtattarynyń saılaýyna taǵy 10 halyqaralyq baıqaýshy akkredıtteldi.
