Quryltaı saılaýy: OSK taǵy 405 baıqaýshyny akkredıttedi
ASTANA. KAZINFORM – Ortalyq saılaý komıssııasynyń otyrysynda Quryltaı saılaýyna taǵy 405 sheteldik baıqaýshy akkredıtteldi.
- 2026 jylǵy 12 tamyzdaǵy jaǵdaı boıynsha Ortalyq saılaý komıssııasyna Syrtqy ister mınıstrliginen 7 shet memleketten, 9 halyqaralyq uıymnan 405 baqylaýshyny akkredıtteýdi usyndy. Atap aıtqanda, TMD baıqaýshylary mıssııasynan - 75, TMD-ǵa qatysýshy memleketterdiń Parlamentaralyq assableıasynan – 23, Eýropadaǵy qaýipsizdik jáne yntymaqtastyq uıymynan saılaýdy baıqaý jónindegi mıssııasynan – 208, Eýropa keńesi Parlamenttik assembleıasynan – 23, Túrki memleketteri uıymy baıqaýshylary mıssııasynan – 10, Túrki memleketteriniń Parlamenttik assambleıasy baıqaýshylar mıssııasynan – 22, ShYU baıqaýshylary mıssııasynan – 11, AÓІSShK baıqaýshylary mıssııasynan - 9, Azyq-túlik qaýipsizdigi jónindegi Islam uıymynan – 7, Lıtva, Túrkııa, Grýzııa, Soltústik Makedonııa, Estonııa, Nıderland Koroldigi jáne Tájikstannan - 17 baıqaýsh, - dedi otyrys barysynda OSK tóraǵasynyń orynbasary Muhtar Erman.
Onyń málimetinshe, halyqaralyq baıqaýshylardy akkredıtteý áli de jalǵasyp jatyr. Usynystar kelip túsýine qaraı baıqaýshylar týraly derekter jańartylyp otyrady. Búgingi tańda Quryltaı depýtattaryn saılaýǵa Ortalyq saılaý komıssııasy 656 halyqaralyq baıqaýshyny akkredıttedi.
Quryltaı saılaýy aldyndaǵy qorytyndy pikirsaıysqa partııa tóraǵalary qatysady.
