Quryltaı saılaýy: búginge deıin 76 halyqaralyq baıqaýshy akkredıtatsııadan ótti
ASTANA.KAZINFORM — Quryltaı saılaýyna taǵy 16 halyqaralyq baıqaýshy akkredıtatsııadan ótti. Bul jóninde QR Ortalyq saılaý komıssııasynyń otyrysynda komıssııa tóraǵasynyń orynbasary Muhtar Erman málimdedi.
— 2026 jylǵy 17 shildedegi jaǵdaı boıynsha, Ortalyq saılaý komıssııasyna Syrtqy ister mınıstrliginen 4 shet memleketten jáne 3 halyqaralyq uıymnan 16 baıqaýshyny akkredıtatsııadan ótkizý usynylǵan bolatyn. Atap aıtqanda, EQYU Parlamenttik Assambleıasynan — 1, UQShU Parlamenttik Assambleıasynan — 6, EQYU DIAQB saılaýdy baıqaý jónindegi mıssııasynan — 1, Grýzııadan — 2, Iran Islam Respýblıkasynan– 2, Qyrǵyz Respýblıkasynan — 2, Shvetsııa Koroldiginen — 2 kandıdatýra usynyldy. Akkredıtatsııany ótkizý úshin usynystardyń kelip túsýine qaraı baıqaýshylar jóninde derekter jańartylyp otyrady, — dedi ol.
Sonymen qatar ol buǵan deıin 60 halyqaralyq baıqaýshy akkredıtatsııadan ótkenin aıtty. Sonda búgingi 16 azamatpen qosqanda, halyqaralyq baıqaýshylardyń sany 76-ǵa jetti.
Aıta keteıik, buǵan deıin Quryltaı depýtattarynyń saılaýyna 34,3 mlrd teńge bólingenin jazǵanbyz.
