Quryltaı saılaýy aldynda Qyzylordada 9 jańa ýchaske ashyldy
QYZYLORDA. KAZINFORM — Qyzylorda oblysynda 23 tamyzda ótetin Quryltaı saılaýyn uıymdastyrýǵa daıyndyq júrip jatyr. Bul týraly oblystyq aýmaqtyq saılaý komıssııasy habarlady.
2026 jylǵy 11 shildege deıin aýmaqtyq jáne ýchaskelik saılaý komıssııasynyń quramyn jarııalaý kózdelgen. Osyǵan baılanysty 9 shilde kúni oblystyq jáne aýdandyq basylymdarda tizim jarııalandy. Sonymen birge ákimdikter saılaý ýchaskeleriniń shekarasyn jarııalaıdy.
— Qyzylorda óńirinde 9 aýmaqtyq, 386 ýchaskelik saılaý komıssııasy jumys isteıdi. 9 aýmaqtyq saılaý ýchaskesinde 63 komıssııa múshesi turaqty túrde qyzmet atqarady. 386 ýchaskede saılaý komıssııasynyń 2720 múshesi bar. Naýqan aldynda 9 jańa ýchaske ashyldy. Onyń 7-i Qyzylorda qalasynda, 1-i Qazaly, 1-i Shıeli aýdandarynda. Óńirdegi 386 ýchaskeniń 132-si Qyzylorda qalasynda, qalǵany aýdandarda. Aımaqta 500 926 azamat daýys berýshi retinde tizimge engen, — dedi komıssııa tóraǵasy Ádilbek Ersultanov.
Turǵyndardyń tizimi 2 tamyzǵa deıin naqtylanyp, ýchaskelerge usynylady. Sodan keıin ýchaskeler daýys berýshi azamattar tizimimen jumys júrgizedi. Quryltaı saılaýyn ótkizýge jaýapty komıssııa músheleri kezeń- kezeńimen oqıdy.
Eske salaıyq, QR Ortalyq saılaý komıssııasy Quryltaı saılaýyna arnalǵan kúntizbelik jospardy bekitti. Jalpy naýqandy uıymdastyrýdyń uzaqtyǵy — 54 kún. 12 kún saıası partııalardyń qujattaryn usynýǵa bekitilse, 29 kún úgit kezeńine arnalady.
22 tamyz — tynyshtyq kúni, 23 tamyz — daýys berý kúni.
