Quryltaı saılaýy: «Aq jol» partııasynyń partııalyq tizimi tirkeldi
ASTANA.KAZINFORM — QR Ortalyq saılaý komıssııasynyń otyrysynda «Aq jol» Qazaqstan demokratııalyq partııasynyń 63 kandıdattan turatyn partııalyq tizimi tirkeldi.
— «Aq jol» Qazaqstan demokratııalyq partııasy 63 adamnan turatyn partııalyq tizimdi usyndy. Ortalyq saılaý komıssııasy jibergen saýalǵa sáıkes ýákiletti memlekettik organdarmen Quryltaı depýtaty bolyp saılaný úshin partııalyq tizimge engizilgen adamdardyń Konstıtýtsııa men «QR Saılaý týraly» QR konstıtýtsııalyq zańyna sáıkestigin tekserdi. 22 kandıdat — áıelder, jastar jáne múgedektigi bar adamdar. Olardyń úlesi — 34,9%. Partııalyq tizimge engiziligen barlyq adam Konstıtýtsııa jáne QR Saılaý týraly» QR konstıtýtsııalyq zańyna sáıkes keledi. «QR Saılaý týraly» QR konstıtýtsııalyq zańy 88-baby, 2-tarmaǵyna, sáıkes Parlament Májilisi depýtattarynyń aldyńǵy saılaýynda daýys berýge qatysqan saılaýshylardyń 5% jáne odan da kóbin alǵan saıası partııalar saılaý jarnasyn tólemeıdi. «Aq jol» Qazaqstan demokratııalyq partııasy Parlament Májilisiniń VIII shaqyrylymyndaǵy saılaýda 8,41% daýys alǵan, — dedi ol.
Aıta keteıik, buǵan deıin Jalpyulttyq sotsıal-demokratııalyq partııanyń partııalyq tizimi tirkelgenin jazǵanbyz.
