Quryltaı saılaýy: «Ádilet» partııasynyń tizimi tirkeldi
ASTANA. KAZINFORM — Ortalyq saılaý komıssııasy «Ádilet» partııasynyń usynylǵan partııalyq tizimin tirkedi.
OSK tóraǵasynyń orynbasary Erman Muhtardyń aıtýynsha, partııalyq tizimge 186 kandıdat usynylǵan.
— Partııalyq tizimdegi 88 kandıdat — áıelder, jastar jáne múgedektigi bar adamdar. Bul jalpy tizimniń 47,3 paıyzyn quraıdy. Osylaısha zańda kózdelgen kvota talaptary saqtaldy, — dedi ol.
Onyń málimetinshe, komıssııanyń saýaldary negizinde quzyretti memlekettik organdar partııalyq tizimge engizilgen azamattardyń Qazaqstan Respýblıkasy Konstıtýtsııasy men «Qazaqstan Respýblıkasyndaǵy saılaý týraly» Konstıtýtsııalyq zań talaptaryna sáıkestigin tekserdi.
Sondaı-aq OSK-da «Ádilet» jasyldar partııasy qoǵamdyq birlestigi partııalyq tizimge engizilgen barlyq kandıdattar úshin zańnamada belgilengen saılaý jarnasyn tolyq kólemde tólegeni aıtyldy.
Keshe «Baıtaq» jasyldar partııasynyń tizimi tirkelgen edi.
