Quryltaı saılaýy: 70 myńdaı qyzylordalyq arnaıy platforma kómegimen ýchaskesin tapqan

Oblystyq aýmaqtyq saılaý komıssııasynyń málimetinshe, óńirde 386 ýchaske qurylǵan. Onda 2720 komıssııa múshesi saılaýshylar úshin qyzmet kórsetedi.

- Azamattar óz ýchaskesin úıden shyqpaı-aq «Ózińdi saılaýshylar tiziminen tekser» atty platforma kómegimen anyqtap jatyr. saylau.orda.gov.kz platformasynyń kómegimen 70 myńǵa jýyq adam óz ýchaskesin tapqan. Platforma «Smart Qyzylorda» mobıldi qosymshasynda jáne sailau_kzoBot Telegram jelisinde qoljetimdi. Turǵyndarǵa 193 ýchaskede onlaın servıster ashylǵan. Bul ýchaskeler saılaýshylardyń JSN arqyly qaıda tirkelgenin anyqtap bere alady, - delingen habarlamada.

Daýys berý kúni 5 arnaıy uıym tizimde joq azamattardy ýaqytsha tirkeýmen aınalysady.

- Munda halyqqa qyzmet kórsetý ortalyǵynyń mamandary turǵyndardy ýaqytsha tirkep, daýys berýine múmkindik jasaıdy. Ári qaraı komıssııa músheleri ýaqytsha tirkelgen azamattardy tizimge engizip, bıýlleten beredi, - delingen komıssııa habarlamasynda.

Saılaýshylar 23 tamyz kúni tańǵy saǵat 7-den keshki saǵat 8-ge deıin daýys bere alady.

Búgin QR Ortalyq saılaý komıssııasynyń otyrysynda QR Quryltaıy depýtattaryn saılaýǵa shet memleketter men halyqaralyq uıymdardyń baıqaýshylaryn akkredıtteý týraly Qaýly qabyldandy.