Quryltaı saılaýy-2026: Kazinform agenttiginiń resýrstarynda materıal jarııalaý sharttary
ASTANA. KAZINFORM – Qazaqstan Respýblıkasy Prezıdenti Іs basqarmasynyń «Qazaqstan Respýblıkasy Prezıdentiniń teleradıokesheni» ShJQ RMK-nyń 2026 jylǵy 23 tamyzǵa taǵaıyndalǵan Qazaqstan Respýblıkasy Quryltaıynyń depýtattaryn saılaýǵa qatysý úshin partııalyq tizimderdi usynǵan saıası partııalardyń «Qazaqparat»-«Kazınform» halyqaralyq aqparat agenttiginiń ınternet-resýrsynda jáne áleýmettik jelilerdegi jáne messendjerlerdegi akkaýnttarynda materıaldardy ornalastyrýǵa arnalǵan jalpy sharttary.
Www.inform.kz resmı saıty, áleýmettik jelilerdegi jáne messendjerlerdegi akkaýnttary (budan ári – Internet-resýrstar) bar «Qazaqparat»-«Kazınform» halyqaralyq aqparat agenttiginiń menshik ıesi Qazaqstan Respýblıkasy Prezıdenti Іs basqarmasynyń «Qazaqstan Respýblıkasy Prezıdentiniń teleradıokesheni» ShJQ RMK (budan ári – Kásiporyn) «Qazaqstan Respýblıkasyndaǵy saılaý týraly» Qazaqstan Respýblıkasynyń 1995 jylǵy 28 qyrkúıektegi № 2464 Konstıtýtsııalyq zańyna sáıkes Qazaqstan Respýblıkasy Quryltaıynyń depýtattyǵyna kandıdattarynyń partııalyq tizimderin usynǵan jáne tirkegen saıası partııalarǵa (budan ári – Saıası partııa) Internet-resýrstarda úgit materıaldaryn ornalastyrý sharttary, tóleý mólsheri jáne saılaý aldyndaǵy úgit materıaldaryn (budan ári – Úgit materıaldary) ornalastyrý úshin múmkindikter berý tártibi týraly habarlaıdy.
Saılaý aldyndaǵy úgit partııalyq tizimderdi tirkeý merzimi aıaqtalǵan sátten bastalady jáne saılaý kúniniń aldyndaǵy kúnniń jergilikti ýaqyty boıynsha nól saǵatta aıaqtalady. Osylaısha, Úgit materıaldaryn Internet-resýrstarǵa ornalastyrý 2026 jylǵy 23 shildede jergilikti ýaqyt boıynsha saǵat 18.00-den keıin júzege asyrylady jáne 2026 jylǵy 22 tamyzda jergilikti ýaqyt boıynsha saǵat 00:00–de aıaqtalady.
Úgit materıaldaryn Internet-resýrstarǵa ornalastyrý Kásiporyn men partııalyq tizimderdi usynǵan Saıası partııa nemese Saıası partııanyń ýákiletti tulǵasy arasynda jasalatyn jazbasha shart negizinde júzege asyrylady. Úgit materıaldaryn Internet-resýrstarǵa ornalastyrý qolda bar tehnıkalyq múmkindikter eskerile otyryp júzege asyrylady.
Materıaldardy Internet-resýrstarǵa ornalastyrýǵa shart jasasýǵa Saıası partııanyń ne onyń ýákiletti ókiliniń Kásiporyn basshylyǵynyń atyna jazbasha ótinishi negiz bolyp tabylady. Úgit materıaldaryn ornalastyrýdyń sany, kólemi, boljanatyn kúni jáne ózge de parametrleri men aspektileri Saıası partııanyń ne onyń ýákiletti ókiliniń jazbasha ótinishinde kórsetiledi, olar keıinnen sharttyń talaptarymen bekitiledi.
Ótinish Saıası partııalardyń ótinishterin tirkeý jýrnalynda kezektilik tártibimen árbir jazbasha ótinishke rettik nómiri men kelip túsken kúnin berý arqyly tirkeledi.
Jazbasha ótinishke mynadaı qujattar qosa berilýge tıis:
1) partııalyq tizimniń usynylǵanyn rastaıtyn qujattyń kóshirmesi;
2) Saıası partııanyń ýákiletti ókiliniń ókilettigin rastaıtyn qujattyń kóshirmesi;
3) ótinish berýshi tulǵanyń jeke kýáliginiń kóshirmesi;
4) shart jasasý úshin adamnyń ókilettigin rastaıtyn qujattar (senimhat).
Saıası partııalardyń Úgit materıaldaryn ornalastyrý kezektiligi jazbasha ótinishterdiń kelip túsý tártibimen ne eger ótinishter bir mezgilde kelip túsken jaǵdaıda jerebe boıynsha belgilenedi. Jerebeni ótkizý tártibi men sharttaryn Kásiporyn aıqyndaıdy.
Úgit materıaldaryna qoıylatyn tehnıkalyq talaptar tarıfterge qosymshada kórsetilgen. Úgit materıaldarynda osy materıaldardy shyǵarǵan uıym, tapsyrys bergen tulǵalar, sondaı-aq qarjylandyrý kózderi týraly málimetter bolýǵa tıis.
Úgit materıaldaryn usynǵan Saıası partııalar olardyń mazmunynyń Qazaqstan Respýblıkasy zańnamasynyń talaptaryna, onyń ishinde avtorlyq jáne sabaqtas quqyqtar salasyndaǵy talaptarǵa sáıkestigi úshin derbes jaýapty bolady.
Úgit materıaldarynda konstıtýtsııalyq qurylys negizderin kúshtep ózgertý, respýblıkanyń tutastyǵyn buzý, memleket qaýipsizdigine nuqsan keltirý, áleýmettik, násildik, ulttyq, etnıkalyq, dinı basymdyq nemese alaýyzdyq, qatygezdik pen zorlyq-zombylyqqa tabyný, zańnamada kózdelmegen áskerılendirilgen quralymdar qurý ıdeıalary bolsa, sondaı-aq olarda basqa saıası partııalardyń ar-namysyna, qadir-qasıetine nemese iskerlik bedeline nuqsan keltiretin aqparat bolǵan jaǵdaıda, Kásiporyn Úgit materıaldaryn ornalastyrýdan bas tartady.
Úgit materıaldary Kásiporynǵa saılaý aldyndaǵy úgittiń birinshi kúninde jazbasha ótinish bergen kúninde, Internet-resýrsta ornalastyrylǵanǵa deıin 6 saǵattan keshiktirilmeı, al kelesi kúnderi – Internet-resýrsta boljamdy ornalastyrylǵanǵa deıin keminde kúntizbelik 3 (úsh) kún buryn usynylýǵa tıis.
Úgit materıalymen bir mezgilde: Kásiporynmen shartqa qol qoıýǵa ýákiletti tulǵa qol qoıǵan Úgit materıalynyń mazmuny bolyp tabylatyn mátinniń tolyq jazylýy, beıneleri Úgit materıaldarynda paıdalanylǵan tulǵalardyń jazbasha ruqsattary, al olar qaıtys bolǵan jaǵdaıda – muragerlerdiń jazbasha ruqsattary, Úgit materıaldarynda kámeletke tolmaǵan balalardyń beıneleri paıdalanylǵan jaǵdaıda – zańdy ókilderdiń jazbasha ruqsattary usynylady.
Osy aqparattyq habarlamada kórsetilgen talaptar men tártip buzylǵan jaǵdaıda, sondaı-aq tıisti sharttyń talaptary buzylǵan jaǵdaıda Úgit materıaldaryn ornalastyrý júrgizilmeıdi ne buzýshylyq joıylǵanǵa deıin toqtatyla turady.
Osy aqparattyq habarlamada kórsetilgen Úgit materıaldaryn Internet-resýrstarǵa ornalastyrý sharttary men tártibi Qazaqstan Respýblıkasynyń ýákiletti organdarynyń talaptaryna sáıkes túzetilýi múmkin.
1. Elektrondyq bannerler nysanynda Úgit materıaldaryn ornalastyrý
|
№ |
Qyzmet ataýy |
Sıpattama |
Tehnıkalyq talaptar |
Ólsh. birligi |
QQS-pen quny, teńgemen |
|
1 |
Basty bettegi banner (A1+V2) |
Desktop + Mobile |
1180 h 120 px (Desktop) 408*120 px (Mobile) |
Táýlik |
200 000 |
|
2 |
Basty bettegi banner (A2+B3) |
Desktop + Mobile |
1180 h 120 px (Desktop) 408*120 px (Mobile) |
Táýlik |
200 000 |
|
3 |
Basty bettegi banner (A3+B4) |
Desktop + Mobile |
1180 h 120 px (Desktop) 408*120 px (Mobile) |
Táýlik |
200 000 |
|
4 |
Basty bettegi banner (A4) |
Desktop |
780 h 120 px |
Táýlik |
150 000 |
|
5 |
Basty bettegi banner (A5) |
Desktop |
780 h 120 px |
Táýlik |
100 000 |
|
6 |
Basty bettegi banner (A6) |
Desktop |
780 h 120 px |
Táýlik |
100 000 |
|
7 |
Basty bettegi banner (A7) |
Desktop |
300*300 px |
Táýlik |
150 000 |
|
8 |
Basty bettegi banner (A8) |
Desktop |
1180 h 120 px |
Táýlik |
100 000 |
|
9 |
Basty bettegi banner (A9) |
Desktop |
1180 h 120 px |
Táýlik |
50 000 |
|
10 |
Maqala betindegi ótpeli banner (A10) |
Desktop |
300*300 px |
Táýlik |
200 000 |
2. Úgit materıaldaryn saıtta foto, beıne súıemeldeýimen mátindik materıaldar nysanynda ornalastyrý
|
№ |
Qyzmet ataýy |
Sıpattama |
Ólsh. birligi |
QQS esebimen baǵasy |
|
1 |
PR belgisiz bir tilde materıal ornalastyrý |
Bos oryndary bar 2500 tańbaǵa deıin + 4 fotosýretke deıin. Árbir qosymsha belgi - 100 teńge, biraq 250 qosymsha belgiden aspaıdy. qosymsha foto-5 000 teńge Fotosýret formaty: 16:9, JPG, JPEG, PNG. Kólemi 1 Mb aspaıdy. |
qyzmet |
300 000 |
|
2 |
PR belgisiz bir tilde materıal ornalastyrý |
Bos oryndary bar 5000 tańbaǵa deıin + 4 fotosýretke deıin. Árbir qosymsha belgi - 100 teńge, biraq 500 qosymsha belgiden aspaıdy. qosymsha foto-5 000 teńge Fotosýret formaty: 16:9, JPG, JPEG, PNG. Kólemi 1 Mb aspaıdy. |
qyzmet |
550 000 |
|
3 |
PR belgisiz bir tilde materıal ornalastyrý |
Bos oryndary bar 15000 tańbaǵa deıin. Árbir qosymsha belgi - 100 teńge. Foto shekteýsiz Fotosýret formaty: 16:9, JPG, JPEG, PNG. Kólemi 1 Mb aspaıdy |
qyzmet |
850 000 |
|
4 |
Bir tilde materıal daıyndaý |
Bos oryndary bar 5000 tańbaǵa deıin. Árbir qosymsha belgi - 40 teńge |
qyzmet |
100 000 |
|
5 |
Materıal ishinde beınerolık ornalastyrý |
Uzaqtyǵy 10 mınýtqa deıin. Qosymsha mınýt -5000 teńge Beıne formaty: H264 mp4 format, 1080p, progressive, bıtreıd 5Mbps tómen emes |
qyzmet |
50 000 |
|
6 |
Materıaldy basty bettegi blokta bekitý |
1 saǵat |
qyzmet |
+ 25% |
3. Úgit materıaldaryn áleýmettik jelilerdegi jáne messendjerlerdegi akkaýnttarda ornalastyrý
|
№ |
Qyzmet ataýy |
Sıpattama |
Tildik nusqa |
Ólsh.birligi |
QQS-pen quny, teńge |
|
1 |
Facebook-ta post ornalastyrý |
Bos oryndary bar 1000 tańbaǵa deıingi mátin. Árbir qosymsha belgi - 100 teńge. Beıne formaty: MP4 jáne MOV portreti (tolyq ekran) Araqatynasy men ajyratymdylyǵy: 9:16 usynylǵan ajyratymdylyq 1080 x 1920 Faıl ólshemi: 200-den 500 MB-qa deıin. Uzaqtyǵy: 10 sekýndtan 1 mınýtqa deıin Fotosýret formaty: kóldeneń sýret 4:5, sharshy 1:1. Ajyratymdylyq: 1080×1350 pıksel, sharshy 1080×1080 pıksel. |
orys nusqa | qyzmet | 70 000 |
| qazaq nusqa | 20 000 | ||||
|
2 |
Instagram-da post ornalastyrý |
Bos oryndary bar 1000 tańbaǵa deıingi mátin. Árbir qosymsha belgi - 100 teńge. Beıne formaty: MP4 jáne MOV portreti (tolyq ekran) Araqatynasy men ajyratymdylyǵy: 9:16 usynylǵan ajyratymdylyq 1080 x 1920 Faıl ólshemi: 200-den 500 MB-qa deıin. Uzaqtyǵy: 10 sekýndtan 1 mınýtqa deıin Fotosýret formaty: kóldeneń sýret 4:5, sharshy 1:1. Ajyratymdylyq: 1080×1350 pıksel, sharshy 1080×1080 pıksel |
orys nusqa |
qyzmet |
200 000 |
|
qazaq nusqa |
100 000 |
||||
|
3 |
Telegram-da post ornalastyrý** |
Bos oryndary bar 1000 tańbaǵa deıingi mátin. Árbir qosymsha belgi - 100 teńge. Beıne formaty: MP4 jáne MOV portreti (tolyq ekran) Araqatynasy men ajyratymdylyǵy: 9:16 usynylǵan ajyratymdylyq 1080 x 1920 Faıl ólshemi: 200-den 500 MB-qa deıin. Uzaqtyǵy: 10 sekýndtan 1 mınýtqa deıin Fotosýret formaty: kóldeneń sýret 4:5, sharshy 1:1. Ajyratymdylyq: 1080×1350 pıksel, sharshy 1080×1080 pıksel |
orys nusqa |
qyzmet |
100 000 |
|
qazaq nusqa |
75 000 |
||||
|
* |
Facebook/Instagram áleýmettik jelilerinde storısterdi ornalastyrý quny tıisti post qunynyń 50% quraıdy |
||||
|
** |
Materıaldy «Qazaqparat» HAA Telegram akkaýntyna ornalastyrý «Qazaqparat» HAA saıtynda tıisti materıal ornalastyrylǵan kezde ǵana júzege asyrylady |
||||
Úgit materıaldaryn ornalastyrýǵa arnalǵan shart boıynsha tólem shot berilgen kúnnen bastap 5 (bes) jumys kúni ishinde Kásiporyn usynǵan tólem shoty negizinde júzege asyrylady.
Kásiporyn jazbasha ótinishterdi 2026 jylǵy 23 shildeden bastap 2026 jylǵy 18 tamyzdy qosa alǵanda, demalys jáne mereke kúnderin qospaǵanda, saǵat 09.00-dan 18.00 mınýtqa deıin, úzilis saǵat 13.00-den 14.30-ǵa deıin, Astana qalasy, Aqmeshit kóshesi 3 mekenjaıy boıynsha 6 qabat, 606 keńsede, 570269 (ishki 620) telefon arqyly qabyldaıdy.
Faksımıldi jáne ınternet baılanysy arqyly jazbasha ótinishter qabyldanbaıdy.
Qazaqstan Respýblıkasy Prezıdenti Іs basqarmasynyń «Qazaqstan Respýblıkasy Prezıdentiniń teleradıokesheni» ShJQ RMK
