Quryltaı quramynda ózgeris: jańa depýtat tirkeldi
ASTANA. KAZINFORM — QR Ortalyq saılaý komıssııasy Gúlnar Toılybaevany Qazaqstan Respýblıkasy Quryltaıynyń depýtaty retinde tirkeý týraly qaýly qabyldady.
Búgin Ortalyq saılaý komıssııasynyń tóraǵasy Nurlan Ábdirov depýtatqa kýálik pen omyraýǵa taǵatyn belgi tabystady.
Óz sózinde ol buǵan deıin «Ádilet» partııasynyń Saıası keńesi Bıýrosynyń sheshimi Ortalyq saılaý komıssııasyna joldanǵanyna toqtaldy. Atalǵan sheshimge sáıkes Qazaqstan Respýblıkasy Quryltaıy depýtatynyń bos mandaty partııalyq tizimge engizilgen Gúlnar Toılybaevaǵa berilgen.
— Qazaqstan Respýblıkasynyń Quryltaıy jáne onyń depýtattarynyń mártebesi týraly» Qazaqstan Respýblıkasynyń Konstıtýtsııalyq zańynyń 44-babyna sáıkes Quryltaı depýtatynyń ókilettigi Ortalyq saılaý komıssııasy ony depýtat retinde tirkegen sátten bastalady. Sizdiń mol kásibı tájirıbeńiz eldegi zań shyǵarý bıligin júzege asyratyn joǵary ókildi organda tıimdi jumys isteýge múmkindik beretinine senimdimin, — dep atap ótti Nurlan Ábdirov.
Buǵan deıin «Ádilet» partııasy Quryltaı depýtatynyń bos mandatyna kandıdatýra usynǵanyn jazǵanbyz.
