Quryltaı Konstıtýtsııalyq Sot sýdıalaryn taǵaıyndaýǵa kelisim berdi
ASTANA. KAZINFORM — Búgin Quryltaıdyń jalpy otyrysynda QR Prezıdentine Qazaqstan Konstıtýtsııalyq Sotynyń sýdıalaryn, Ortalyq saılaý komıssııasynyń jáne Joǵary aýdıtorlyq palatanyń múshelerin taǵaıyndaýǵa kelisim berý máselesi qaraldy.
Konstıtýtsııanyń 56-babynyń 9-tarmaqshasyna sáıkes, QR Prezıdentiniń Konstıtýtsııalyq Sotynyń sýdıalaryn, Ortalyq saılaý komıssııasynyń jáne Joǵary aýdıtorlyq palatanyń múshelerin taǵaıyndaýǵa Quryltaı depýtattary jalpy sanynyń kópshilik daýsymen kelisimin beredi.
— Atalǵan sýdıalardy taǵaıyndaý úshin Quryltaıdyń kelisimi qajet. Memleket basshysynyń tapsyrmasyna sáıkes, Konstıtýtsııalyq Sot sýdıasy laýazymyna kelesi kandıdatýralar usynylady: Sáken Abdolla, Láıla Sultanqyzy Jaqaeva, Qaırat Tólegenuly Jaqypbaev, Aıjan Jatqanbaeva, Aıgúl Qydyrbaeva, Qanat Mýsın, Baqyt Nurmuhanov, Sergeı Skrıabın, Aslan Týkıev, Sergeı Ýdartsev, — dedi QR Prezıdenti Ákimshiliginiń Basshysy Roman Sklıar.
Jalpy otyrysta daýys berý kezinde Quryltaı atalǵan adamdardy Konstıtýtsııalyq Sottyń sýdıasy qyzmetine taǵaıyndaýǵa kelisim berdi.
Buǵan deıin habarlanǵandaı, Joǵary sot keńesi sýdıalardy irikteýge arnalǵan aqparattyq júıe engizedi.
