Quryltaı depýtattarynyń saılaýyna taǵy 10 halyqaralyq baıqaýshy akkredıtteldi
ASTANA. KAZINFORM — Ortalyq saılaý komıssııasy QR Parlamenti Májilisi depýtattaryn saılaýdy baıqaýǵa qatysatyn taǵy 10 halyqaralyq baıqaýshyny akkredıttedi.
OSK tóraǵasynyń orynbasary Muhtar Ermannyń aıtýynsha, Ortalyq saılaý komıssııasy QR Syrtqy ister mınıstrliginen bes shet memleket pen bir halyqaralyq uıymnan usynylǵan 10 halyqaralyq baıqaýshyny akkredıttedi.
Atap aıtqanda, Moldova Respýblıkasynan — 4, Halyqaralyq parlamentarııler kongresinen — 1, Albanııa Respýblıkasynan — 2, Kýveıt memleketinen — 1, Armenııa Respýblıkasynan — 1 jáne Palestına memleketinen — 1 baıqaýshy usynyldy.
Osylaısha, búgingi tańda Ortalyq saılaý komıssııasy shet memleketter men halyqaralyq uıymdardan jalpy sany 96 halyqaralyq baıqaýshyny akkredıttedi.
Buǵan deıin Quryltaı depýtattarynyń saılaýyn baqylaıtyn halyqaralyq baıqaýshylar sany 86 adamǵa jetkenin jazǵanbyz.
