Quryltaı depýtatynyń ókilettigi merziminen buryn toqtatyldy

- QR Ortalyq saılaý komıssııasyna 2026 jylǵy 6 qazanda Quryltaı depýtaty Tatıana Savelevanyń ókilettigi merziminen buryn toqtatý týraly ótinishi kelip tústi. Osyǵan oraı sizderdiń nazarlaryńyzǵa QR Konstıtýtsııasynyń 55-babyna, «QR Quryltaıy jáne onyń depýtattarynyń mártebesi týraly» QR Konstıtýtsııalyq zańyna sáıkes, Ortalyq saılaý komıssııasynyń qaýlysy negizinde T.Savelevanyń depýtattyq ókilettigin merziminen buryn toqtatý týraly máseleni sheshý úshin usynym engizemiz, - dedi QR Ortalyq saılaý komıssııasynyń hatshysy Shavha Ótemisov.

Quryltaıdyń jalpy otyrysynda depýtattar atalǵan usynymǵa qoldaý bildirdi.

Sonymen qatar Quryltaı tóraǵasy Aıbek Dádebaı Tatıana Savelevanyń zań shyǵarý salasyndaǵy eńbegine alǵysyn jetkizdi.

- Sizdiń jańa jaýapty qyzmetińizde tabys pen jetistik tileımiz, - dedi A.Dádebaı.