Quryltaı depýtaty jumysynyń tıimdiligin baǵalaý júıesi engizile me
ASTANA. KAZINFORM — Quryltaıdyń ár depýtatynyń jumys tıimdiligin baǵalaıtyn arnaıy júıe engizilmeıdi. Bul týraly Quryltaı tóraǵasynyń orynbasary Dánııa Espaeva aıtty.
— Ár depýtatqa jeke KRІ engizý zańnamalyq deńgeıde de, Reglamentte de, jekelegen erejelerde de kózdelmegen. Bul ár depýtat barynsha jumys istep, óziniń depýtattyq mindetin oryndaýy tıis degendi bildiredi. Sondyqtan KRІ engizý máselesi qarastyrylmaıdy, — dedi Dánııa Espaeva Quryltaıdyń jalpy otyrysynan keıingi brıfıngte BAQ ókilderiniń saýalyna oraı.
Aıta keteıik, joǵary zań shyǵarýshy organnyń búgingi otyrysynda Quryltaı Reglamenti bekitildi. Qujatta depýtattardyń Premer-mınıstrge, Úkimet múshelerine, birqatar basqa memlekettik organdardyń basshylaryna jáne óńir ákimderine saýal joldaýy quqyǵy kózdelgen.
