Quryltaı depýtaty qandaı jaǵdaıda mandatynan aıyrylady – Konstıtýtsııalyq komıssııa

ASTANA. KAZINFORM – Senat depýtaty Nurlan Beknazarov Konstıtýtsııalyq reforma jónindegi komıssııanyń ekinshi otyrysynda Quryltaı depýtattaryn ókilettikten aıyrýǵa negiz bolatyn sebepterdi atady.

- Quryltaı depýtatynyń Qazaqstannan tys jerge turaqty turýǵa ketýi, oǵan qatysty sottyń aıyptaý úkimi zańdy kúshine enýi, Qazaqstan Respýblıkasynyń azamattyǵyn joǵaltýy depýtattyń Konstıtýtsııalyq zańǵa sáıkes partııalyq tizim negizinde ony saılaǵan saıası partııadan shyǵýy nemese shyǵarylýy depýtatty Konstıtýtsııalyq zańǵa sáıkes partııalyq tizim negizinde saılaǵan sası partııa qyzmetin toqtatqan jaǵdaıda ony depýtattyqtan aıyrýǵa qatysty norma usynylyp otyr, - dedi ol.

Sondaı-aq, ol depýtattardy erekshe quqyqtan aıyrý quzyreti Ortalyq saılaý komıssııasynyń qolynda qalatynyn atap ótti.

- Depýtattarǵa jazalaý sharalaryn qoldaný, olarǵa qoıylatyn talaptardyń depýtattyq etıka erejelerin saqtaýyna, olardy ókilettiginen jáne depýtatqa tıispeýshilikten aıyrýmen baılanysty máselelerdi qaraý Ortalyq saılaý komıssııasyna júkteıtin normany ózgerissiz qaldyrý usynylady. Usynylǵan ózgeristerge sáıkes, Quryltaı QR Prezıdenti usynysy boıynsha Konstıtýtsııaǵa ózgerister men tolyqtyrýlar engizedi, Konstıtýtsııalyq zańdardy qabyldaıdy, - dedi senator.

Aıta ketý kerek, bul aıtylyp otyrǵan normalardyń bári ázirge usynys qana. Normalardyń qaısysy qabyldanyp, qaısysy Ata zańǵa enbeıtinin referendým sheshedi.

Dál qazir Konstıtýtsııalyq reforma jónindegi komıssııanyń ekinshi otyrysy ótip jatyr. 

Kazinform agenttiginiń qazaq jáne orys tilindegi Telegram arnasynda mátin translıatsııasy bolady.

Ótken aptada Konstıtýtsııalyq komıssııanyń alǵashqy otyrysy ótip, bir palataly «Quryltaıdyń» fýnktsııasy men quramy, vıtse-prezıdent laýazymynyń memlekettik bıliktegi orny, zań shyǵarý bastamasyn kóterýge haqyly «Halyq keńesiniń» quzyreti qandaı bolatyny aıtylǵan edi.