Quryltaı: Býrabaı kýrorttyq aımaǵyn damytýǵa 140 mlrd teńge bólinedi

BÝRABAI. KAZINFORM – Býrabaı kýrorttyq aımaǵyn damytýdyń 2029 jylǵa deıingi keshendi josparyn iske asyrýǵa 140 mlrd teńge bólinedi. 

Бурабай
Фото: Виктор Федюнин/Kazinform

- Qazirdiń ózinde alys-jaqyn shetelderge keńinen tanymal Býrabaı jeriniń mol múmkindikteri bar. Osy kýrorttyq aımaqty damytýdyń 2029 jylǵa deıingi keshendi jospary qabyldandy. Ony júzege asyrý úshin shamamen 140 mıllıard teńge bólinedi. Qarjynyń jartysyna jýyǵy – jeke ınvestıtsııalar. Úkimet pen oblys ákimdigi qujatta kórsetilgen mindetterdi sapaly oryndaýǵa tıis, - dedi Prezıdent Qasym-Jomart Toqaev Ulttyq quryltaıdyń V otyrysynda.

Qasym-Jomart Toqaevtyń aıtýynsha, eń aldymen Şýchınsk-Býrabaı kýrorttyq aımaǵyndaǵy ınfraqurylymdy damytý qajet. Al jańadan salynatyn Kongress-ortalyq Býrabaıdyń betke ustar orny bolýy qajet.

- Ortalyq iske qosylatyn bolsa, demalys aımaǵyna jurttyń qyzyǵýshylyǵy da arta túsedi. Sondaı-aq týrıstik maýsymnan tys ýaqytta adamdar kóptep kele bastaıdy. Úkimet pen ákimdikke osy máseleni tyńǵylyqty qarastyrýdy tapsyramyn, - dedi Memleket basshysy.

Prezıdent oblystyń týrıstik áleýeti Shýchınsk-Býrabaı aýmaǵymen ǵana shektelmeıtinin eske salyp, Zerendi, Sandyqtaý, Aqkól sııaqty oryndardy jan-jaqty damytý qajettigin atap ótti.

- Aqmola oblysynyń ókilderi qysqy sport túrleri boıynsha álemdik jáne qurlyqtyq básekelerden el qorjynyna júlde salýǵa únemi mol úles qosyp júr. Elimizde fýtboldy damytýǵa basa mán berý kerek dep sanaımyn. Demeýshiler qarjysy esebinen oblystyq stadıondardyń kópshiligin jańǵyrtý qajet nemese jańa fýtbol stadıondaryn salýdy qolǵa alǵan jón, - dedi Qasym-Jomart Toqaev.

Aıta ketý kerek, quryltaıdyń paneldik sessııalary keshe bastalǵan. Ol sektsııalardyń taqyryptary azamattyq qoǵam, mádenıet, óner, rýhanııat, bilim jáne ǵylym, áleýmettik-ekonomıkalyq damý máselelerin qamtydy.

Сейчас читают