«Quryltaı» ataýynyń qaıta oralýyn qoǵam qalaı qabyldady
ASTANA. KAZINFORM — Bul suraqqa L.N. Gýmılev atyndaǵy EUÝ-dyń konstıtýtsııalyq jáne azamattyq quqyq kafedrasynyń professory Jamaladen Ibragımov jalpyulttyq onlaın-marafon barysynda jaýap berdi.
— Meniń oıymsha, «Quryltaı» ataýynyń qoǵamdyq jáne quqyqtyq keńistikke qaıta oralýy oń qabyldandy. Sebebi bul sózdiń tarıhı maǵynasy «jınalyp, kelisimge kelý, ortaq sheshim qabyldaý». Sondyqtan bul ataýdyń zamanaýı tsıfrlyq tehnologııalarmen úndesýi oryndy dep sanaımyz, — dedi ol.
Buǵan deıin Quryltaı saılaýyna 35 jasqa deıingi 67 jas kandıdat qatysyp jatqanyn jazǵan bolatynbyz.
Aıta keteıik, Qazaqstanda Quryltaı depýtattaryn saılaý boıynsha daýys berý aıaqtaldy. Jergilikti ýaqyt boıynsha saǵat 20:00-de el aýmaǵyndaǵy saılaý ýchaskeleri jabylyp, komıssııalar daýystardy sanaýǵa kiristi.
