Quryltaı-2026: Shet elde júrgen 6 007 otandasymyz daýys berdi
ASTANA. KAZINFORM — Quryltaı depýtattary saılaýynda shet elde júrgen 6 myńnan astam otandasymyz daýys berdi. Bul týraly Syrtqy ister mınıstriniń orynbasary Arman Isetov aıtty.
— Saǵat 19-00-degi jaǵdaı boıynsha Qazaqstannyń sheteldegi mekemeleri janynan 61 memlekette qurylǵan 79 saılaý ýchaskesiniń barlyǵy jumysyn bastady. 11 elde daýys berý aıaqtaldy. Shet elderde tirkelgen 11 402 saılaýshynyń 6 007-si daýys berdi. Shet elde daýys berýdi AQSh-tyń San-Frantsısko qalasyndaǵy otandastarymyz aıaqtaıdy. Qazaqstan Respýblıkasy Quryltaıyn saılaý boıynsha daýys berý qorytyndylary týraly shet eldegi ýchaskelerdiń saılaý hattamalary dereý Ortalyq saılaý komıssııasyna joldanady, — dedi Arman Isetov.
Quryltaı saılaýyna qatysty barlyq jańalyqpen myna siltemege ótip oqı alasyzdar. Elimizde tarıhı Quryltaı saılaýynda 145 depýtattyq mandatqa «Ádilet», JSDP, «Baıtaq», QHP, «Aýyl» partııasy, «Aq jol» jáne Respublica — barlyǵy 7 partııadan 545 kandıdat tirkelgen.
