Qurylysy bitpegen jylyjaı: Almatynyń botanıkalyq baǵyndaǵy ósimdikter qysta úsip qalmady ma

ALMATY. KAZINFORM — Botanıkalyq baq qyzmetkerleri úshinshi qys qatarynan jylyjaıdaǵy sırek kezdesetin kópjyldyq ósimdikti saqtap qalý úshin óz qarajattaryn jumsaýǵa májbúr.

Ботанический сад в Алматы Алматыдағы ботаникалық бақ
Фото: Александр Павский/ Kazinform

Botanıkalyq baq aýmaǵyndaǵy ekspozıtsııalyq jylyjaı 1969 jyly salynǵan. Nysandy qaıta qalpyna keltirý jumystary 2022 jyldyń kókteminde bastalyp, biraq sol jyldyń sońynda jaýapsyz merdiger jumysty aıaqtamaı tastap ketken. Oranjereıa aýdany — 1 025 sharshy metr. Munda sırek kezdesetin tropıkalyq ósimdikter ósiriledi.

Oranjereıada qurylys bastalǵanǵa deıin kollektsııada 500-den astam ósimdik túri bolǵan. Biraq qurylys jumystarynyń sozylyp ketýine baılanysty 103 tropıkalyq ósimdik qysta úsip qalǵan

Botanıcheskıı sad
Foto: Aleksandr Pavskıı/Kazinform

Eki qys qatarynan baq qyzmetkerleriniń kúshimen sırek kezdesetin ósimdikterdiń birazy aman saqtalǵan. Biraq byltyr kúzde tropıkalyq jáne sýbtropıkalyq ósimdikter zerthanasynyń meńgerýshisi Sholpan Masalımova úshinshi qys bulaı tursa, ósimdikter ólip qalýy múmkin ekenin aıtqan edi.

Osy oraıda, Kazinform tilshisi olardyń qandaı kúıde ekenin bilý úshin botanıkalyq baqtyń baspasóz qyzmetine júgindi. Mekeme barlyq sırek kezdesetin ósimdikter qys mezgilinen aman shyqqanyn habarlady. Qazirgi ýaqytta botanıkalyq baqtyń qorynda ósimdikterdiń 411 túri bar.

Botanıcheskıı sad  v Almaty Almatydaǵy botanıkalyq baq
Foto: Aleksandr Pavskıı/ Kazinform

Sonymen qatar mekeme jaýabyna sáıkes, jumys istep turǵan ózge jylyjaı kesheninde oranjereıa kollektsııasyn kóbeıtý boıynsha jumys atqarylyp jatyr.

Eske salaıyq, byltyr Almatynyń bas botanıkalyq baǵy kúrdeli jaǵdaıǵa baılanysty kómekke muqtaj ekenin ashyq aıtyp, demeýshiler izdep jatqanyn jarııalady.

2020 jyly qurylysqa qatysty jobalyq-smetalyq qujattama ázirlenip, memlekettik saraptamadan ótken. 2022 jyly konkýrs qorytyndysy boıynsha «Stroıtelnaıa kompanııa ShAH» JShS-men kelisimsharttar jasaldy, merdiger sol jyly jumysyn bastady, biraq 2022 jyldyń sońyna qaraı qurylystyń smetalyq qunyn kóterýdi talap etip, qurylys jumystaryn toqtatty.

Osyǵan baılanysty Botanıka jáne fıtoıntrodýktsııa ınstıtýty «Stroıtelnaıa kompanııa ShAH» JShS-in memlekettik satyp alýdyń josyqsyz qatysýshysy dep taný jáne qurylys jumystaryn aıaqtap, nysandy paıdalanýǵa berý jónindegi mindettemelerin oryndaýǵa májbúrleý týraly talap qoıyp, sotqa aryz berdi.

Búgingi kúnge deıin Botanıka jáne fıtoıntrodýktsııa ınstıtýty barlyq sot protsesterin, sonyń ishinde apellıatsııalyq sot ınstantsııalarynda da jeńip shyqty. Soǵan qaramastan merdiger qurylys jumystaryn aıaqtaǵan joq. 2024 jyldyń 30 sáýirinde «Stroıtelnaıa kompanııa ShAH» JShS-men kelisimshart merzimi aıaqtaldy

Сейчас читают